BAXODIR BAXODIROV SARVARBEK OGLI

Baxodirov Baxodir Sarvarbek o‘g‘li 2009-yil 12-iyun kuni Xorazm viloyatida tug‘ilgan. U Toshkent shahrining Olmazor tumanida yashaydi. U 45-sonli IMI bitiruvchisi hamda Toshkent davlat iqtisodiyot universitetining Moliya fakultetida tahsil oladi.

Baxodir 2023-yildan Xorazm viloyatidagi ko‘plab tadbirlarda volontyor sifatida faoliyat yuritib kelmoqda. Uning yutuqlari qatorida SAT sertifikatidan 1360 ball, CEFR sertifikatidan B2 daraja va tarix fanidan C+ daraja bor.

Unga atrofidagilarning oddiy, bir xil va maqsadsiz hayot kechirayotganini anglab yetgani ta’sir qilgan. Bu holat unda ko‘pchilikning bir qismi bo‘lib yashamaslik, ommani ortidan ergashtiradigan va o‘z brendini yaratadigan shaxsga aylanish istagini shakllantirgan. Uning hayotiy prinsipi: “Kichik, lekin uzluksiz qadamlar katta natijalarga olib keladi.” Uning fikricha, lider bo‘lish uchun eng muhim fazilat — mas’uliyatni o‘z zimmasiga ola bilish va odamlarga yo‘nalish berishdir.

Bo‘sh vaqtida u suzish, voleybol o‘ynash, video o‘yinlar o‘ynash, sayr qilish va maqola yozish bilan shug‘ullanadi. U xolislik va mantiqqa tayanib fikrlashni, katta muammolarni bosqichma-bosqich yechishni, vazminlik va tinglash mahoratini, uzluksiz o‘rganish hamda moslashuvchanlikni, muloqotdagi aniqlik va qisqalikni muhim deb biladi. Har qanday vaziyatda yaxshi kayfiyatda bo‘lishga harakat qiladi, odamlar bilan yaxshi kelishib ketadi va har bir davrada faol.

U Yevropa mamlakatlarida o‘qishni hamda kelajakda mijozlarga xizmat ko‘rsatadigan shaxsiy biznes ochishni rejalashtiradi.

“O‘z imkoniyatlaringizga ishoning va orzularingiz sari dadil hamda qat’iyat bilan qadam tashlang.

Katta maqsadlar sari intilish va intizomli bo‘lish sizni albatta yuksak muvaffaqiyatlarga yetaklaydi.”