Behruz Noraliyev Rustam O'g'li
Behruz Noraliyev Rustam o‘g‘li 2008-yil 12-aprelda tug‘ilgan. U Toshkent shahri, Olmazor tumanida yashaydi.
U 1-sinfdan 7-sinfgacha Surxondaryo viloyati Jarqo‘rg‘on tumanidagi 36-maktabda, 8-sinfdan 11-sinfgacha esa Ixtisoslashtirilgan ta’lim muassasalari tizimidagi Jarqo‘rg‘on tuman ixtisoslashtirilgan maktabda tahsil olgan. Hozirda Toshkent davlat sharqshunoslik universitetining Sharq sivilizatsiyasi va falsafa fakulteti falsafa yo‘nalishi fors tili guruhida tahsil oladi.
U 5 yoshidan 14 yoshigacha karate sport turi bilan shug‘ullangan. Bu yo‘nalishda 50 dan ortiq medal olgan, 3 karra O‘zbekiston chempioni, 6 karra sovrindor hamda 20 karra va undan ko‘p viloyat chempioni bo‘lgan.
Behruz 2022–2026-yillar oralig‘ida 3 ta loyiha orqali maktabda faoliyat yuritgan. «Umid parvozi» loyihasi bolalarni kitob o‘qishga qiziqtirish va ularning kitobga bo‘lgan muhabbatini oshirishga qaratilgan bo‘lib, u 2024-yilda maktab miqyosida 50 dan ortiq yoshni jalb qilgan. Loyiha havolasi: https://t.me/umidparvozi
U «Milliy ilm suhbati» (MIS) loyihasi orqali yoshlarning sof fikrlashga intilishini oshirishni maqsad qilgan va 2025-yilda 150 dan ortiq bolani jalb qilgan. MISning Telegram havolasi: https://t.me/MilliyIlmSuhbati. Loyiha havolasi: https://mis-uz.github.io/loyihasi. Loyihaning shiori: «Fikringni kengaytir — hayotingni o‘zgartir».
«Philos.uz» — u hozirda ishlayotgan loyiha bo‘lib, falsafaga qiziqadigan yoshlarni bir joyga jamlash, falsafa fanini kengaytirish va turli xil masalalarni yechishga qaratilgan.
U https://www.everythingstartssmall.org/ loyihasining O‘zbekistondagi vakili hamda Stanford Neuroscience Jclubning 2026–2027-yillardagi a’zosi. «Yosh kitobxon» tanlovida 2 marta tuman g‘olibi bo‘lgan va viloyat bosqichi qatnashchisi hisoblanadi. Shuningdek, u O‘zbekiston yoshlar diplomatiyasi markazida ish faoliyatini olib boradi. Markazning Telegram havolasi: https://t.me/YoshlarDiplomatiyaMarkazi_Uz. U «Mutolaa elchilari oromgohi» g‘olibi.
Uning hayotiga Abu Rayhon Beruniy, Al-Xorazmiy, Farobiy, Imom Buxoriy va Aristotel ta’sir qilgan. Uning hayotiy prinsipi: «Kitoblar olami juda bebaho, uni o‘qigan inson aslida daho».
Bo‘sh vaqtida futbol o‘ynash, kitob o‘qish va rasm chizish bilan shug‘ullanadi. U falsafa, diplomatiya, matematika, fizika, tarix va xalqaro munosabatlarga alohida qiziqadi. Turli yoshlar loyihalari, forumlar, volontyorlik va rivojlanish dasturlarida ishtirok etish orqali o‘z ustida ishlashga harakat qiladi.
Uning fikricha, liderlik 1 oyda yoki tez paydo bo‘ladigan ko‘nikma emas, balki yoshlikda shakllanadigan fazilatdir. U lider uchun eng muhim fazilat mas’uliyat ekanini, lider jamoa natijasi uchun javob berishi, muammoli vaziyatlarda aybdor izlashdan ko‘ra yechim topishi va o‘z xatti-harakati bilan boshqalarga namuna bo‘lishi kerakligini ta’kidlaydi.
Behruz yangi imkoniyatlardan qo‘rqmasdan foydalanishga, turli loyihalar va tadbirlarda faol ishtirok etishga, boshlagan ishini oxirigacha yetkazishga hamda qiyinchiliklarga duch kelganda taslim bo‘lmaslikka intiladi. U jamoada ishlash, boshqalarning fikrini tinglash va kerak bo‘lsa ularga yordam berishni muhim deb biladi. Kelajakda bilim va tajribasidan foydalanib, yoshlar uchun foydali tashabbuslarni amalga oshirishni istaydi.
«Bilim — cheksiz kuch. Lekin u amalda qo‘llanilmasa, foydasiz. Bilimni faqat kitob o‘qish yoki biror fanni o‘zlashtirish deb tushunmaslik kerak. Har bir sohaning o‘ziga xos bilimi mavjud.»