Bekova Shaxrizoda Shavkatovna

Bekova Shaxrizoda Shavkatovna 2009-yil 23-martda Buxoro viloyati Shofirkon tumanida tug‘ilgan. U Buxoro viloyati Shofirkon tumanidagi 55-maktabda 11 yil tahsil olgan. Hozirda O‘zbekiston davlat jahon tillari universitetining 1-kurs talabasi.

Shaxrizoda ingliz tili bo‘yicha B2 sertifikatiga ega. Shuningdek, ona tili fanidan A darajali, tarix fanidan C darajali hamda matematika fanidan C+ darajali sertifikatlarni olgan. U Shofirkon tumani bosqichidagi raqs tanlovida 2–3-o‘rinni egallagan, boshlang‘ich ta’limning 4-sinfida kitobxonlik bo‘yicha 2-o‘rinni olgan. Tashakkurnomalari va maktabdagi boshqa sertifikatlari 40 dan ortiq.

Unga ta’sir qilgan aynan bitta hodisani ajratib ko‘rsatish qiyin, chunki u har kuni yangi tushunchalarni o‘rganib boradi. Uning hayotiy prinsipi: «Shaxsiy fikrlaringni ayta olishdan qo‘rqma, dadillik maqsadlaringga erishishda ko‘prik bo‘ladi».

Bo‘sh vaqtida raqs bilan shug‘ullanadi, qo‘shiq aytadi, she’r yozadi va kitob o‘qiydi. U hamma narsaga qiziqadi. Uning fikricha, lider bo‘lish uchun eng muhim fazilatlar — o‘z shaxsiy qarashlariga ega bo‘lish, ularni kerakli paytda ayta olish va dadillikdir. Shaxrizoda kerakli paytda intizomli bo‘la olishini, biroq dam olish uchun ham vaqt ajratib turishi kerakligini ta’kidlaydi. U o‘z iqtidorlarini son-sanoqsiz deb biladi va xohlasa, har qanday sohani olib keta olishiga ishonadi.

“Inson qadri shaxsiy muvaffaqiyat bilan emas, balki jamiyat ravnaqiga qo‘shgan ezgu hissasi bilan o‘lchanadi.”