Esanboyev Salohiddin Oybek O'g'li

Esanboyev Salohiddin Oybek o‘g‘li 30.04.2008-yilda Samarqandda tug‘ilgan. U hozirda Toshkent shahrida yashaydi. U o‘rta maxsus ta’limga ega bo‘lib, SamDU akademik litseyida tahsil olgan. Hozirda O‘zbekiston milliy universitetining Bank ishi yo‘nalishi 1-bosqich talabasi.

Salohiddinda bank sohasiga qiziqish yoshligidan shakllangan. U yoshligida ko‘pchilik o‘z pullarini boshqara olmasligiga ko‘p marta guvoh bo‘lgan. Bu holat uning moliya va bank tizimiga qiziqishini tubdan o‘zgartirgan hamda u javob topish uchun o‘qib, izlana boshlagan. U shu yo‘nalishda faoliyat olib borib, turli iqtisodiy tadbirlarda ishtirok etgan.

U “Akademik litsey iftixori” prezident stipendiyasi, milliy sertifikatlar, CEFR B2 sertifikati, “Zakovat bilimdoni” e’tirofi, qizil diplom hamda ITMA faol o‘quvchisi diplomi sohibi. Bo‘sh vaqtida buxgalteriya kursiga boradi, musiqa tinglaydi, kitob o‘qiydi va mobil o‘yinlar o‘ynaydi.

U liderlik uchun eng muhim 3 ta fazilat sifatida xarakter, kompetensiya va mas’uliyatni biladi. Uning fikricha, boshqalar undan tashabbuskorlikni, odamlar bilan ishlashni, o‘zini tahlil qilishni, uzoq muddatli fikrlashni va o‘z prinsiplariga ega bo‘lishni o‘rganishlari mumkin.

Salohiddin Bank-moliya sohasida yetuk kadr bo‘lish, bu soha rivojiga o‘z hissasini qo‘shish, xalq xizmatida bo‘lish va o‘z maqsadlariga yetishni rejalashtiradi. U faqat oddiy ishtirokchi bo‘lib qolishni istamaydi. Uning uchun lavozimdan ko‘ra ta’sir doirasining qanchalik kattaligi muhimroq. U o‘zida ijtimoiy va strategik fikrlashni mujassamlashtirganini aytadi hamda ayni damda o‘z yo‘lini mukammal shakllantirish jarayonida.

Uning hayotiy prinsipi: “Men boshqalardan ustun bo‘lish uchun emas, kechagi o‘zimdan kuchliroq bo‘lish uchun yashayman.”