Esirkegenova Dilnura

Esirkegenova Dilnura Baykeldi qizi 2005-yil 09-avgust kuni Qoraqalpog‘iston Respublikasi Mo‘ynoq tumanida tug‘ilgan. U Samarqand shahrida yashaydi.

U 2024-yilda Samarqand davlat universitetiga qabul qilingan. Nomzod taqdim etgan ma’lumotga ko‘ra, u Samarqand davlat universiteti Psixologiya fakultetining 3-kurs talabasi hamda Psixologiya fakulteti falsafa yo‘nalishining 3-bosqich talabasi hisoblanadi.

Dilnura badminton sporti yo‘nalishida universitet guruhi sardori. Shuningdek, u qo‘shimcha grantlar sohibasi. Bo‘sh vaqtida shaxmat bilan shug‘ullanadi va fakultet bo‘yicha faxrli o‘rinlar sohibasi hisoblanadi.

Uning hayotiga doim ta’sir ko‘rsatib, qo‘llab-quvvatlab keladigan insonlar ota-onasi va akasidir. Ular uni doim qo‘llab-quvvatlaydi, Dilnura esa har bir yutug‘ini ularning ham yutug‘i deb biladi.

Uning hayotdagi shiori: «Menga vaqt kerak, taslim bo‘lish emas». U har qanday holatda ham taslim bo‘lishni emas, balki birozdan so‘ng kuchliroq bo‘lib qaytishni tanlaydi. Dilnuraning fikricha, lider bo‘lish uchun eng muhim fazilat — xarakter. U kuchli xarakter egasi bo‘lgan inson har qanday jamoani boshqara oladi, deb hisoblaydi.

U kelajakda eng avvalo Work and Travel dasturida ishtirok etishni rejalashtiradi. U buni hayoti va tajribalari uchun asos bo‘ladi, deb o‘ylaydi. Dilnura juda chiqishuvchan inson bo‘lib, yangi insonlar bilan tanishganda tezda ular bilan chiqishib, yaqin bo‘lib ketadi.

U ingliz va turk tillarini B1 darajasida biladi. Shuningdek, qozoq, qoraqalpoq va rus tillarida ham erkin muloqot qila oladi.

«Bugun o‘rgan, ertaga boshqar.»