Gʻaniyeva Shahrizoda Gʻiyosovna

Gʻaniyeva Shahrizoda Gʻiyosovna 2008-yil 24-iyulda Qashqadaryo viloyati Kitob tumani Tupchoq MFY Jayraxona qishlogʻida tugʻilgan. U hozirda Qashqadaryo viloyati Kitob tumanida yashaydi. Taʼlim darajasi oʻrta bo‘lgan Shahrizoda 49-maktabda 9 yil tahsil olgan, Shahrisabz davlat pedagogika instituti huzuridagi akademik litseyda 2 yil oʻqigan. Hozirda Qarshi davlat universiteti Tibbiyot fakultetining Davolash ishi yoʻnalishi 1-kurs talabasi sifatida tibbiyot sohasida tahsil oladi.

U yoshligidan boshqaruvchilik va yetakchilikka qiziqib keladi. U 9 yil sinf sardori boʻlgan, litseyda ham yetakchilar qatorida faoliyat yuritgan, turli tadbirlarni tashkil qilgan hamda volontyorlik faoliyatida ishtirok etgan.

Shahrizoda biologiya, kimyo, tarix va ona tili fanlaridan milliy sertifikatga ega. U kimyo fanidan 2 yil olimpiadaning viloyat bosqichida ishtirok etgan. Shuningdek, 2 yil davomida “Akademik litsey iftixori” stipendiyasini olgan. U maktabni aʼlo darajali shahodatnoma bilan, litseyni esa qizil diplom va oltin medal bilan tamomlagan. Koʻplab koʻrik-tanlovlarda ham ishtirok etgan.

Boʻsh vaqtida kitob oʻqish, rasm chizish, tibbiyot boʻyicha maʼlumotlar izlash va tillarni mustaqil oʻrganish bilan shugʻullanadi. Uning hayotiy prinsipi: “Hammasi Allohdan, doim Allohga tavakkal qilib, oldinga harakat qilish kerak.” U liderlik uchun oʻzini hurmat qilish, boshqalarning fikriga asosan ish qilmaslik, shaxsiy fikrga ega boʻlish va harakatchanlik muhim deb hisoblaydi.

Kelajakda katta professor-vrach boʻlib, jamiyatga foydasi tegishini maqsad qilgan. U yiqilgan joydan qayta turilganda muvaffaqiyatlarga erishish mumkinligiga ishonadi. Oiladagi yagona qiz sifatida onasining shifokor qizi boʻlish haqidagi orzusiga yetish uchun harakat qilmoqda.