Husnirabonu Sobirova

Hoshimjonova Gulyora Xolbek qizi 14.01.2008-yilda Farg‘ona viloyati, Bag‘dod tumanida tug‘ilgan. Hozirda Farg‘ona viloyati, Rishton tumanida yashaydi. U Erkin Vohidov nomidagi ijod maktabi bitiruvchisi bo‘lib, mazkur maktabni oltin medal bilan tamomlagan va GPA ko‘rsatkichi 5.0 / 5.0 ni tashkil etadi. Hozirda u “Cyber University” davlat universitetida kiberxavfsizlik menejmenti yo‘nalishida tahsil olmoqda.

U 5-sinfda Erkin Vohidov ijod maktabiga qabul qilinganidan so‘ng ijod bilan faol shug‘ullangan, she’r va hikoyalar yozgan hamda asosan o‘zbek tili va adabiyoti yo‘nalishida tahsil olgan. U “Yangi tong” kitobining muallifi (2025), “O‘zbegim” jurnalining muntazam ijodkori hisoblanadi. Uning ijodiy ishlari “Tong jilvasi”, “Qo‘shqanot qasidasi”, “Ijod bo‘stoni” hamda “Kichik qalblardagi ulkan umidlar” xalqaro to‘plamida o‘rin olgan. Shuningdek, u “Tabdil” eski o‘zbek yozuvi kitobi va “Farg‘ona shevasi” asarlariga hammualliflik qilgan. Ijodiy ishlari “O‘zbekiston adabiyoti va san’ati” gazetasi hamda “Bilimdon” jurnalida chop etilgan.

U “Cyber University” davlat universitetiga grant asosida o‘qishga kirgan. Buyuk Britaniyaning Coventry University dasturi orqali UDEA universitetiga 4 yillik 100% grantni qo‘lga kiritgan. University of Business and Science (UBS) Science Olympiad respublika bosqichi g‘olibi (2025), ona tili olimpiadasida 2025-yilda 1-o‘rin va 2024-yilda 3-o‘rin sohibi. U TMII Summer Camp 2026 ishtirokchisi hamdir.

U AQSh elchixonasi tomonidan tashkil etilgan English for IT dasturida ishtirok etgan (2025) va “English for IT” Camp g‘olibi bo‘lgan (2025). IELTS natijasi — 6.0, CEFR darajasi — B2, SAT natijasi — 1260, Math natijasi — 640. Ona tili sertifikati — B+ (95.12%), tarix sertifikati — B (86%), matematika sertifikati — C+.

U Respublika insholar tanlovi g‘olibi — X. To‘xtaboyev, 2022; Enaxon Siddiqova stipendiyasi sohibasi — 2022; Ibroyim Yusupov tanlovi g‘olibi — 2023; Halima Xudoyberdiyeva tanlovi g‘olibi — 2024; “Duel” ijodiy tanlovi viloyat bosqichi g‘olibi — 2024; “She’ryurak” respublika adabiy tanlovi g‘olibi — 2024; UBS Science Olympiad respublika bosqichi g‘olibi — 2025. U Erkin Vohidov stipendiyasi va Enaxon Siddiqova stipendiyasi sohibasi hamdir.

U UzReport va O‘zbekiston 24 telekanallarida intervyularda, Yoshlar TVning “Oltin fondimiz” ko‘rsatuvida, Farg‘ona MTRKda, “O‘zbegim”da 4 marta, “Adabiy muhit”da 3 marta, Mahalla TVning “Mahalla tongi” jonli efirida, FTVning “Fresh News” intervyusida hamda Madaniyat va Ma’rifat telekanalining “Eslab…” dasturida ishtirok etgan.

U maktab ta’lim qo‘mitasi raisi, SEMS elchisi (Ambassador), World Writers and Artists Working Group (Juntos Por Las Letras) faol a’zosi. U xalqaro konferensiyalar ishtirokchisi bo‘lgan (2024) va “Zakovat” intellektual o‘yinlarining faol qatnashchisi. Ibrat Debate loyihasida ishtirok etib, “Best Debater” e’tirofiga sazovor bo‘lgan. Shuningdek, STEM X, Grow X, Financopedia, Infection, Raqamli avlod qizlari va TMII Summer Camp 2026 loyihalari hamda dasturlarida qatnashgan.

U Respublika an’anaviy “Erkin Vohidov” ijodiy festivalining 3 yillik ishtirokchisi bo‘lib, 2022–2025-yillar davomida festivalda faol qatnashgan. Agentlik tizimidagi maktablar o‘rtasida o‘tkazilgan voleybol musobaqasining viloyat bosqichida jamoaviy yo‘nalishda 1-o‘rinni egallagan.

U 1 yillik freelancing tajribasiga ega: mustaqil loyihalarni amalga oshirgan hamda muloqot va muammolarni hal qilish ko‘nikmalarini rivojlantirgan. Ingliz tili o‘qituvchisi/volontyor sifatida 100 nafardan ortiq o‘quvchiga ingliz tili o‘rgatgan, ularning grammatika, lug‘at boyligi va muloqot ko‘nikmalarini rivojlantirishga yordam bergan. Shu jarayonda teaching, mentoring va leadership ko‘nikmalarini rivojlantirgan.

U “Burhoniddin Marg‘inoniy” turizm markazi ochilishida ishtirok etgan, O‘zbekiston Respublikasi Prezidenti bilan uchrashgan hamda “Mirzakarim Qutidor hovlisi” ochilish marosimida qatnashgan.

Uning hayotida bobosi, ijod maktabidagi ustozlari va ota-onasining o‘rni muhim. Bobosi yoshligidan uni o‘sishga, oldinga intilishga va hech qachon to‘xtamaslikka undagan, doimo qo‘llab-quvvatlagan va har bir qarorida maslahat berib, ishonch bildirgan. U bo‘sh vaqtida kitob o‘qiydi, yangi til va dasturlashni o‘rganadi. Uning fikricha, liderlik uchun boshqalarni eshitish va o‘zaro hurmat muhim.

U kelajakda kiberxavfsizlik menejmenti sohasida yuqori malakali mutaxassis bo‘lish, zamonaviy bilim va xalqaro tajribalarni egallash, amaliy ko‘nikmalarini rivojlantirish hamda yirik tashkilotlarda xavfsizlik jarayonlarini samarali boshqarishni maqsad qilgan. Uzoq muddatda o‘z sohasida yetakchi mutaxassis darajasiga chiqib, jamiyat va tashkilotlar xavfsizligini ta’minlashga hissa qo‘shishni istaydi. U ijod bilan shug‘ullangan holda kiberxavfsizlik yo‘nalishiga o‘qishga kirganini o‘zining muhim jihatlaridan biri deb biladi. Uning shiori: “Harakatdan to‘xtagan kuning yutqazasan!”