Ibragimova Zebiniso Muhiddin Qizi

Ibragimova Zebiniso Muhiddin qizi 2008-yil 17-noyabrda Xorazm viloyatida tug‘ilgan. U Toshkent shahri, Yunusobod tumanida yashaydi. O‘rta ta’limni Urganch davlat pedagogika akademik litseyida olgan va mazkur litseyni qizil diplom bilan bitirib, “Litsey faxri” unvoni bilan taqdirlangan.

U jurnalistika sohasida tahsil olmoqda. Faoliyatini 2 yil oldin litseyda boshlagan. Ona tili fanidan C+ darajadagi milliy sertifikatga ega. Shuningdek, tumandagi “Zulfiya xonim” tanlovida 1-o‘rinni egallagan.

Zebinisoga ota-onasining “O‘qi, qizim” degan so‘zi motivatsiya beradi. Uni o‘zbek yozuvchisi Javlon Jovliyev hamda chet el yozuvchisi Remark ilhomlantiradi. Bo‘sh vaqtida raqsga tushadi va romanlar o‘qiydi. U shu kungacha 500+ ta kitob o‘qigan.

Uning fikricha, lider bo‘lish uchun odamlarni eshita bilish va to‘g‘ri qaror qabul qila bilish muhim. U boshqalar undan liderlik va ochiqko‘ngillilikni o‘rganishlari mumkin, deb hisoblaydi.

Kelajakda mashhur, xalqqa foydasi tegadigan jurnalist bo‘lishni hamda “Yosh kitobxon” loyihasida 1-o‘rinni olishni maqsad qilgan.

“Har kuni va har soniyada o‘qing! Negaki, o‘qimagan inson jaholat bilan yuzlashadi, o‘qigan inson esa kelajagini o‘zi bunyod qiladi!”