Islomova Ruxshona Shavkatjonovna

Islomova Ruxshona Shavkatjonovna 21.06.2008-yilda Buxoro viloyati, Shofirkon tumani, Ko‘rishkent qishlog‘ida tug‘ilgan. U Toshkent shahri, Chilonzor tumani, Uchtepada yashaydi. Buxoro viloyati, Shofirkon tumanidagi 4-maktabda tahsil olgan, ma’lumoti — o‘rta. Hozirda O‘zbekiston Jurnalistika va ommaviy kommunikatsiyalar universitetining Filologiya va tillarni o‘qitish: o‘zbek tili yo‘nalishi 1-kursida tahsil oladi.

U faoliyatini 2023-yildan boshlagan. “Jaholatga qarshi ma’rifat” insho tanlovida tuman bosqichida 1-o‘rin va viloyat bosqichida 2-o‘rinni egallagan. Shuningdek, “Yosh folklorlar” tanlovida guruh bilan respublika bo‘yicha 3-o‘rinni egallagan.

Ruxshonaga o‘qituvchilari, ota-onasi va buvisining ishonchi hamda qo‘llab-quvvatlashi kuch bag‘ishlaydi. Uning hayotiy shiori: “Ba’zi mag‘lubiyatlar — go‘zal kelajak sari ochilgan eshikdir.” U bo‘sh vaqtida rasm chizadi, badiiy asarlar o‘qiydi va turli monologlarni ijro etadi.

Uning fikricha, lider bo‘lish uchun eng muhim fazilat — mas’uliyatni o‘z zimmasiga ola bilishdir. U haqiqiy liderlik boshqalardan oldinda yurish emas, balki ular bilan birga mas’uliyatni yelkada ko‘tara bilish ekanini ta’kidlaydi.

Uning kelajakdagi eng katta maqsadlaridan biri — yoshlar uchun katta va zamonaviy kutubxona tashkil etish. U bu maskan kitob o‘qish, bilim almashish, izlanish va yangi g‘oyalar tug‘iladigan muhim ma’rifiy markaz bo‘lishini istaydi. Uning fikricha, kitobxonlik insonning bugunini boyitib, kelajagini bunyod etadigan eng kuchli vositalardan biridir. U boshqalarga rasm chizish, sahnada erkin nutq so‘zlash, boshlovchilik mahorati, estetik monologlar va she’rlar o‘qish hamda kichik mag‘lubiyatlar tufayli taslim bo‘lmaslik borasida o‘rnak bo‘la oladi.