Ismailova Ruhshona Odiljon Qizi

Ismailova Ruhshona Odiljon qizi 2008-yil 14-aprelda Sirdaryo viloyatida tug‘ilgan. U Toshkent shahrida yashaydi. Ruhshona O‘zbekiston davlat jahon tillari universiteti Tarjimonlik fakultetining arab tili yo‘nalishi 1-bosqich talabasi bo‘lib, tarjimonlik nazariyasi va arab tili sohasida tahsil oladi.

U CEFR B2 sertifikatiga hamda ona tili va adabiyot fanidan A darajaga ega. Ona tili va adabiyot fan olimpiadasining viloyat bosqichida 1-o‘rin sohibasi bo‘lgan va respublika bosqichida ishtirok etgan. Shuningdek, u volontyor hamda kitobxon sifatida faol. «Zakovat» musobaqalarida faol ishtirok etgan Ruhshona 100 ta badiiy kitob o‘qigan.

Ustozlarining unga bilim berishdagi shijoati uning hayotiga ta’sir qilgan. Bo‘sh vaqtida kitob o‘qiydi va til o‘rganadi. Uning fikricha, lider bo‘lish uchun eng muhim fazilat — intiluvchanlik. Kelajakda arab tili mutaxassisi bo‘lishni hamda Al-Azhar universitetiga qabul qilinishni maqsad qilgan.

Uning hayotiy shiori: «Buyuk natija jimjit harakat orqasidan keladi».

«Orzular kutishni emas, harakatni yaxshi ko‘radi. O‘zingga ishongan kuning — imkoniyatlar boshlangan kun.»