Ismatova Mukambar Murodullo Qizi

Ismatova Mukambar Murodullo qizi 21.05.2008-yilda Samarqand viloyatida tug‘ilgan. Hozirda Toshkent shahri, Yunusobod tumanida yashaydi. U jurnalistika sohasida muxbir sifatida faoliyat yuritadi va bu faoliyat bilan 1 yildan beri shug‘ullanib kelayotganini bildirgan.

Mukambar ingliz tili bo‘yicha CEFR B1 darajasini qayd etgan. Shuningdek, u “Sukut ortidagi hikoyalar. Dildagi gaplar” loyihasi muallifi ekanini bildirgan. Bo‘sh vaqtida she’r o‘qish va kontent olish bilan shug‘ullanadi.

Uning fikricha, lider bo‘lish uchun qobiliyat, xolislik va olg‘a yurish muhim. U boshqalar undan adolat va haqqoniylikni o‘rganishlari mumkin, deb hisoblaydi. Mukambar insonlar bilan tez chiqishib ketishi, quvnoq xarakteri va tez xafa bo‘lib qolishi bilan ajralib turadi.

U kelajakda xalqimiz va davlatimizga foydasi, manfaati tegadigan jurnalist hamda kadr bo‘lishni maqsad qilgan. Uning hayotiy qarashi quyidagicha: orzu va maqsadlar bilan yashash natijaga olib keladi.

Har bir imkoniyatdan unumli foydalaning va o‘z ustingizda doimo ishlang. Orzularingiz sari dadil qadam tashlang, mehnat va sabr sizni albatta maqsadingizga yetaklaydi.