Jamolova Gulzira Abror Qizi

Jamolova Gulzira Abror qizi 2008-yil 5-oktabrda tug‘ilgan. U Toshkent shahri, Uchtepa tumanida yashaydi. Gulzira O‘zbekiston davlat jahon tillari universitetida ingliz filologiyasi yo‘nalishida tahsil oladi. U Navoiy davlat universiteti akademik litseyini qizil diplom bilan bitirgan hamda she’riyat tanlovi g‘olibasi hisoblanadi.

U she’r yozishga mashhur insonlardan ilhomlanib, tillarni o‘rganishga esa turli davlatlarning madaniyati va an’analaridan ilhomlanib, 7-sinfdan boshlab qiziqa boshlagan. U she’riyat bo‘yicha viloyat bosqichida 2-o‘rinni egallagan. Barcha 5 ta umumta’lim fanidan kerakli sertifikatlarni muddatidan oldin olib, 189 ball bilan universitetga qabul qilingan. Shuningdek, u xalqaro IELTS sertifikatiga ega.

Gulziraga ota-onasining motivatsiyasi va mehnati katta ta’sir ko‘rsatgan. Uning hayotiy prinsipi: «Kichik odatlarga e’tibor berish ertangi kungi muvaffaqiyatga sabab bo‘ladi». U bo‘sh vaqtida kitob o‘qiydi va sport bilan shug‘ullanadi. Uning fikricha, lider bo‘lish uchun bilimdan ko‘ra faollik, insonlar bilan ishlay olish va xushmuomalalik muhimroq.

Kelajakda u filologiya sohasida mutaxassis kadr bo‘lib yetishishni, ota-onasining orzulari uchun harakat qilishni hamda moliyaviy erkinlikka erishishni maqsad qilgan. U yangi g‘oyalarga intiladi; boshqalar esa undan mehribonlik va harakatdan to‘xtamaslikni o‘rganishlari mumkin.

“Muvaffaqiyat — bir kunlik katta harakat emas, balki har kuni izchil davom ettirilgan kichik qadamlarning natijasidir. Bugun qilgan mehnating kelajakdagi imkoniyatlaring uchun poydevor bo‘ladi.”