Jangirova Gulnoza Faxriddin Qizi
Jangirova Gulnoza Faxriddin qizi 2008-yil 6-yanvarda Surxondaryo viloyati Qumqo‘rg‘on tumanida tug‘ilgan. Hozirda u Surxondaryo viloyati Qumqo‘rg‘on tumanida yashaydi.
U o‘rta ta’limni Surxondaryo viloyati Qumqo‘rg‘on tumanidagi 1-sonli maktabda 2015–2021-yillarda olgan. 2021–2026-yillarda 11-sonli A.F.Ch.O‘.I.M.Ida ta’lim olgan. Hozirda Toshkent davlat iqtisodiyot universitetining 1-kurs talabasi bo‘lib, menejment yo‘nalishida davlat granti asosida tahsil oladi.
Gulnoza faoliyatini maktab davridan turli tanlovlar, tadbirlar va rivojlanish loyihalarida ishtirok etish orqali boshlagan. Hozirda universitetdagi o‘qishi bilan birga o‘z ustida ishlab, yangi loyihalarda faol qatnashishga harakat qilmoqda. U IELTS 6.5 sertifikatiga ega va universitetga muvaffaqiyatli qabul qilingan. Shuningdek, turli tadbirlar hamda rivojlanish loyihalarida faol ishtirok etishga qiziqadi.
Uning hayotiga eng katta ta’sir ko‘rsatgan inson — onasi. Onasining mehnatsevarligi, sabr-toqati va har qanday vaziyatda uni qo‘llab-quvvatlashi Gulnozaga katta motivatsiya beradi. U onasidan o‘z maqsadlariga ishonish, qiyinchiliklardan qo‘rqmaslik va harakat qilishni o‘rgangan.
Uni ilhomlantiradigan shior: “Har kuni kechagidan yaxshiroq bo‘lishga harakat qil.” U uchun qiyinchiliklardan qo‘rqmaslik, xatolardan saboq olish va o‘z maqsadlari sari ishonch bilan harakat qilish muhim. Uning fikricha, lider bo‘lish uchun eng muhim fazilat — mas’uliyat. Haqiqiy lider nafaqat o‘zi, balki jamoasi uchun ham javobgarlikni o‘z zimmasiga oladi, boshqalarni tinglaydi va qiyin vaziyatlarda to‘g‘ri qaror qabul qila oladi.
Bo‘sh vaqtida Gulnoza kitob o‘qiydi, voleybol o‘ynaydi va yangi narsalarni o‘rganadi. U do‘stlari bilan vaqt o‘tkazishni, foydali tadbirlarda qatnashishni, yangi insonlar bilan tanishishni, qiziqarli loyihalarda qatnashishni hamda noodatiy g‘oyalarni amalga oshirishni yoqtiradi. U bir vaqtning o‘zida bir nechta yo‘nalishda o‘zini sinab ko‘rishni yaxshi ko‘radi va oddiy kunlardan ham yangi imkoniyat topishga harakat qiladi.
Kelajakda u universitetda yaxshi ta’lim olib, o‘z sohasi bo‘yicha yetuk mutaxassis bo‘lishni maqsad qilgan. U yangi bilim va ko‘nikmalarni egallashni, xalqaro tajriba orttirishni, kelajakda o‘z biznesini yo‘lga qo‘yishni va jamiyatga foydali inson bo‘lishni xohlaydi. Uning fikricha, boshqalar undan harakat qilishni, yangi narsalarni o‘rganishni va qiyinchiliklarga taslim bo‘lmaslikni o‘rganishlari mumkin. U har bir vaziyatdan tajriba olishga va doimo o‘z ustida ishlashga harakat qiladi.
Yoshlarga aytadigan eng muhim maslahatim — o‘zlariga ishonishsin va orzularidan qo‘rqishmasin. Har bir kichik qadam kelajakdagi katta natijalarga olib keladi. Xatolardan qo‘rqmasdan, ulardan saboq olish va doimo o‘z ustida ishlash kerak. Eng muhimi, vaqtni qadrlab, imkoniyatlardan unumli foydalanish va hech qachon taslim bo‘lmaslikdir.