Jo'rayeva Ziyodabegim Burxon Qizi

Jo'rayeva Ziyodabegim Burxon qizi 2008-yil 9-noyabrda Qarshi tumanida tug'ilgan. U Qashqadaryo viloyati, Qarshi tumani, Paxtazor MFYda yashaydi. Hozirda Xalqaro innovatsion universitetining filologiya yo'nalishi talabasi.

Ziyodabegim faoliyatini 9-sinfdan boshlagan. Unga ota-onasining ishonchi va ko'magi katta ta'sir ko'rsatgan: ota-onasi kelajakda orzu qilgan inson bo'lishi uchun o'qishi kerakligini ta'kidlagan. U ona tili va adabiyot fanidan B darajadagi milliy sertifikat, ingliz tili fanidan B1 darajadagi milliy sertifikat egasi hamda Qizlar akademiyasi a'zosi.

U bo'sh vaqtini kitob o'qish bilan o'tkazadi. Uning hayotiy shiori: «Bugungi harakat — ertangi natija». Ziyodabegimning fikricha, lider bo'lish uchun o'z maqsadlariga ega bo'lish va oldinga intilish muhim. U boshqalarga kitoblarni sevib mutolaa qilish hamda o'z maqsadlariga ega bo'lib, oldinga intilishni o'rnak sifatida ko'rsatadi.

Kelajakda u o'z kasbining mutaxassisi bo'lishni, shaxsiy kutubxonaga ega bo'lishni va yoshlar o'rtasida kitobxonlikni oshirishni maqsad qilgan. Shuningdek, Vataniga foyda keltiradigan kadr bo'lib yetishish hamda yoshlarni kitobxonlikka jalb qilib, ilmli qilish uning katta maqsadlaridandir.

Uning boshqa yoshlar uchun fikri: «Vaqtingizni qadrlang, chunki vaqtni to‘g‘ri boshqarish katta maqsadlarga olib boradi.

Har kuni yangi bilim o‘rganing va uni amalda qo‘llashga harakat qiling.

Xatolardan qo‘rqmang, chunki ular tajriba va rivojlanish uchun imkoniyat yaratadi.

Maqsadingizni aniq belgilang va unga erishish uchun kichik qadamlar bilan harakat qiling.

O‘zingizga ishoning, lekin doimo yangi narsalarni o‘rganishga ochiq bo‘ling.»