Juraqulova Ruxshona Maqsudjanovna

Juraqulova Ruxshona Maqsudjanovna 24.07.2006-yilda Samarqand viloyati Tayloq tumani Uzunqishloq MFY39da tug‘ilgan. Hozirda Samarqand viloyati Tayloq tumanida yashaydi.

U Sharof Rashidov nomidagi Samarqand davlat universiteti Biokimyo institutining Fundamental tibbiyot yo‘nalishi 2-bosqich talabasi. U 2025-yilda talaba bo‘lgan. Tibbiyot sohasida tahsil oladi va laboratoriyada faoliyat yuritadi. 2026-yil mart oyidan boshlab Tayloq tibbiyot birlashmasida assistent-laborant vrach sifatida faoliyat yuritadi.

U laboratoriyadagi faoliyati davomida 2 ta OITS virusi va 1 nafar SPID kasalligini aniqlaganini bildirgan. Uning hayotiy prinsipi: “Tibbiyotdagi eng yaxshi g‘alaba — kasallik yuzaga kelmagan g‘alabadir. Tashxis — bu mas’uliyat, ilm esa — har bir inson uchun imkoniyatdir.” Bo‘sh vaqtida badiiy adabiyotlarni o‘qiydi.

Uning fikricha, lider — “Hamma narsani biladigan odam” emas, “eng to‘g‘ri savolni bera oladigan odam”dir. Haqiqiy lider barcha e’tiborni o‘ziga tortadigan “yulduz” emas, balki atrofidagilarni “yulduz”ga aylantiradigan muhit yaratuvchidir. U o‘zining bilimi, energiyasi va xotirjamligi bilan atrofidagilarning salohiyatini 2–3 baravar oshirib yuboradi. Jamoa g‘alaba qozonsa, “Jamoam uddaladi”, agar mag‘lub bo‘linsa, “Mas’uliyat mening bo‘ynimda”, deya oladi.

U inson genomi va laboratoriya sirlarini o‘rganuvchi tadqiqotchi bo‘lishni maqsad qilgan. Onkologiyada profilaktik diagnostikani rivojlantirish uning bosh maqsadidir. Uning hayotidagi eng katta tamoyil — yuzaki natijalar ortidan quvish emas, balki har bir detalning tub-ildizigacha yetib borish va aniqlikka erishishdir. Xoh amaliyotdagi murakkab tahlillar, xoh ilmdagi izlanishlar bo‘lsin, u har bir vaziyatga yuqori mas’uliyat va sovuqqon tahlil bilan yondashadi. Ilm-fan va amaliyot u uchun shunchaki soha emas, balki insonlar hayotini o‘zgartirish, ularga aniqlik va ishonch ulashish imkoniyatidir. Vaqtimiz yo‘q. Har bir qilingan mehnat, har bir aniq tahlil va berilgan to‘g‘ri qaror ortida insonlar taqdiri hamda kelajak yutug‘i yotadi. Shu sababli u faqat oldinga — eng yuqori ilmiy va professional marralar sari harakat qiladi.

U uchun tibbiyot shunchaki kasallikni davolash emas, balki uni paydo bo‘lishidan oldin to‘xtatish san’atidir. Laboratoriyadagi har bir aniq tahlil va molekulyar izlanish ortida inson umri va uning kelajagi yotadi, deb hisoblaydi. Uning bosh maqsadi — ilmiy bilimlari va amaliy tajribasi orqali insonlar hayotini saqlab qoladigan aniq yechimlarni taqdim etishdir.

Uning boshqa yoshlar uchun fikri: “Katta imkoniyatlarni kutib o‘tirmang, ularni o‘zingiz yarating. Ko‘pchilik mos fursat kelishini kutadi. Lekin haqiqiy rivojlanish — g‘oyani amaliyotga aylantirishdan, ikkilanmay mas’uliyatni zimmaga olishdan va har bir detalga chuqur kirib borishdan boshlanadi. Ilm va amaliyot shunchaki kasb emas, balki insonlar hayotini o‘zgartirish imkoniyatidir. O‘z oldingizga jamiyatga naf keltiradigan ezgu maqsadlarni qo‘ying — shunda yo‘lingizda uchraydigan har qanday qiyinchilik va charchoq o‘z ma’nosini yo‘qotadi.”