Karimova Feruza Shuhratovna

Karimova Feruza Shuxratovna 2008-yil 24-sentyabrda Toshkent viloyatida tug‘ilgan. Hozirda Toshkent viloyatida yashaydi. U jurnalistika yo‘nalishining 1-kurs talabasi bo‘lib, jurnalistika, blogerlik va brand face yo‘nalishlarida faoliyat yuritadi.

Feruza ona tili fanidan C darajali sertifikatga, shuningdek, kompyuter va kompyuter savodxonligi bo‘yicha sertifikatlarga ega. U Rossiya Federatsiyasida rus tili darajasini oshirish uchun 2 oylik kursda tahsil olgan. Ingliz tili bo‘yicha tanlovlarda ham qatnashgan.

U faoliyatini mart oyidan blogerlikdan boshlagan va vloglar tayyorlagan. Bo‘sh vaqtida turli xil videolar yaratadi, musiqa tinglaydi hamda qo‘shiq aytishga qiziqadi.

Feruza yosh jurnalistlar loyihasini amalga oshirishni istaydi. U o‘zini intiluvchan va qiziquvchan deb hisoblaydi. Kelajakda siyosat jurnalisti yoki sayohat jurnalisti bo‘lishni rejalashtiradi. U boshqalar undan nutqda ravon gapirishni, qo‘rqmaslikni, mukammal bo‘lishni, o‘ziga ishonishni va kuchli bo‘lishni o‘rganishlari mumkin, deb hisoblaydi.

Uning hayotiy prinsipi: «Orzuga ishon, harakatdan to‘xtama va har bir xatodan saboq ol».

«Har bir katta natija kichik qadamdan boshlanadi, o‘zingizga ishoning va maqsadingiz sari dadil harakat qiling».