Luxmonova Orasta

Luxmonova Orasta Rahmat qizi 2004-yil 6-sentyabr kuni Qashqadaryo viloyati Kitob tumanida tug‘ilgan. U hozirda Qashqadaryo viloyati Shahrisabz tumanida yashaydi.

U bakalavriatni tamomlagan hamda Toshkent Kimyo xalqaro universitetining Korean philology yo‘nalishini bitirgan. Hozirda faoliyat yuritmaydi. Hobbi sifatida she’r va kichik hikoyalar yozib turadi, bo‘sh vaqtida kitob mutolaasi bilan shug‘ullanadi.

Uning she’ri gazetada chop etilgan. Shuningdek, u Yosh jurnalistlar maktabida tahsil olgan va tuman miqyosidagi Zulfiya nomidagi tanlovlarda ishtirok etgan.

Uning hayotiy prinsipi: «Biror yutuqqa erishmoqchi bo‘lgan inson faqat olg‘a intilishi lozim. Orqaga qayrilish mag‘lubiyat sanaladi». Uning fikricha, lider bo‘lish uchun eng muhim fazilatlar insonning o‘ziga bo‘lgan ishonchi, qobiliyati va irodasidir. U kelajakda o‘z sohasining mukammal egasi bo‘lishni maqsad qilgan. Shuningdek, boshqalar undan ravon va erkin fikrlashni, o‘z fikrini ommaga yetarlicha ko‘rsata bilishni hamda o‘ziga ishonchni o‘rganishlari mumkin deb hisoblaydi.

«Maqsad sari yo‘lda to‘xtamang, har bir qadam sizni g‘alabaga yaqinlashtiradi.»