Malikova Zulayxo Avazxon Qizi
Malikova Zulayxo Avazxon qizi 2007-yil 29-yanvarda Samarqand viloyati, Pastdarg‘om tumanida tug‘ilgan. U Samarqand viloyati, Pastdarg‘om tumani, Baxshiboyi MFY, 134-uyda yashaydi.
U Sharof Rashidov nomidagi Samarqand davlat universiteti Biokimyo institutining biologiya turlari bo‘yicha 2-kurs bakalavr talabasi. U 2025-yilda Samarqand davlat universitetining biologiya yo‘nalishiga o‘qishga qabul qilingan. Hozirda biologiya sohasida faoliyat yuritib, o‘simliklar fiziologiyasi yo‘nalishida ilmiy izlanishlar olib boradi. U zamonaviy tadqiqot usullari orqali ilm-fan rivojiga hissa qo‘shishga intiladi.
Zulayxo hozirda o‘simliklar fiziologiyasi yo‘nalishida ilmiy maqolalar ustida ishlaydi. Uning tadqiqotlari o‘simliklarning fiziologik jarayonlari, o‘sishi va rivojlanishi hamda tashqi muhit omillarining ularga ta’sirini o‘rganishga qaratilgan.
Uning hayotiga eng katta ta’sir ko‘rsatgan insonlar ota-onasi va ustozlaridir. Ota-onasi unga halollik, sabr va mehnatsevarlikni o‘rgatib, doimo qo‘llab-quvvatlagan hamda bilim olishga undagan. Ustozlari ilm yo‘lida unga yo‘l ko‘rsatib, biologiya sohasiga bo‘lgan qiziqishini yanada oshirgan. Ularning bilim va maslahatlari uning kelajakdagi maqsadlariga erishishida muhim o‘rin tutadi.
Uning shiori: «U cho‘qqini emas, o‘zini zabt etishni tanlaydi». Uning fikricha, insonni buyuk qiladigan narsa tug‘ma iste’dod emas, balki sabr, intizom va ilmga bo‘lgan sadoqatdir. U har bir qiyinchilikni o‘sish uchun berilgan imkoniyat deb biladi. Uning maqsadi o‘zi muvaffaqiyatga erishishi, egallagan bilimlari orqali odamlarga foyda keltirishi va ortidan yaxshi nom qoldirishidir. U insonning eng qimmat merosi uning ezgu amallari va ilmidir, deb hisoblaydi.
Bo‘sh vaqtida ingliz tilini o‘rganadi, badiiy va ilmiy kitoblar o‘qiydi. Har kuni o‘z ustida ishlash, yangi bilim va ko‘nikmalarni egallash uning doimiy odati hamda shaxsiy rivojlanishining muhim qismidir. Shuningdek, u hikoyalar yozishni yaxshi ko‘radi; bu unga fikrlarini erkin ifodalash va ijodkorligini rivojlantirishga yordam beradi. U pazandachilikka qiziqadi, turli taomlar tayyorlashni hamda yangi retseptlarni sinab ko‘rishni yoqtiradi. Salonchilik va go‘zallik parvarishi bo‘yicha ham ma’lum bilim va tajribaga ega. U did, ozodalik va o‘ziga bo‘lgan ishonchni muhim qadriyat deb hisoblaydi.
Kelajakda u fiziologiya sohasida ilmiy tadqiqotlar olib borish va tabiiy fanlar rivojiga hissa qo‘shishni maqsad qilgan. Biologiya, kimyo va ekologiya yo‘nalishlariga ixtisoslashgan zamonaviy tabiiy fanlar maktabini tashkil etishni orzu qiladi. Shuningdek, ekologiyani yaxshilash maqsadida yashil bog‘lar va ko‘kalamzor hududlar yaratish, noyob va foydali o‘simliklarni ko‘paytirish hamda tabiatni asrash madaniyatini yoshlar orasida keng targ‘ib qilishni istaydi. Uning asosiy maqsadi ilm, ijod va ezgulikni birlashtirib, jamiyat uchun foydali inson bo‘lib yashashdir.
Uning fikricha, lider boshqalarga buyruq beradigan emas, balki ularga ilhom berib, ortidan ergashtira oladigan insondir. U halollik, mas’uliyat, adolat, yaxshi muloqot qila olish va qiyin vaziyatlarda to‘g‘ri qaror qabul qilishni liderning muhim fazilatlari deb biladi. U insonlar undan sabrli bo‘lishni, kamtarlikni va har qanday vaziyatda odamlarga yaxshilik qilishni o‘rganishlari mumkin, deb hisoblaydi.
Ilm insonning eng buyuk boyligi bo‘lib, u kelajakni bunyod etadigan kuchdir.
Sabr, kamtarlik va ezgulik bilan yashagan inson doimo jamiyatga foyda keltiradi.