Muxtorova Mohinur Murodjon Qizi

Muxtorova Mohinur Murodjon qizi 31.08.2008-yilda Farg‘ona viloyati Bag‘dod tumanida tug‘ilgan. Hozirda Farg‘ona viloyatida yashaydi.

U Bag‘dod tumanidagi 9-maktabda tahsil olgan va o‘rta ta’limni shu maktabda olgan. Bundan tashqari, “Headway Academy” va “Infinity” o‘quv markazlarida bilimlarini chuqurlashtirgan. U 2026-yilda oliy ta’lim muassasasiga o‘qishga kirgan. Hozirda Farg‘ona davlat universiteti Filologiya fakultetining ingliz filologiyasi yo‘nalishida 1-kurs talabasi.

Mohinur faoliyatini ingliz tilini o‘rganish va o‘z bilimlarini muntazam oshirishdan boshlagan. Ingliz tiliga bo‘lgan qiziqishi sababli shu sohani tanlagan. U ingliz tilidan CEFR B2, ona tilidan B+ hamda tarix fanidan A sertifikatlariga ega. 187.70 ball bilan o‘qishga qabul qilingan. Maktab paytida fizika fanidan o‘tkazilgan fan olimpiadasida 2-o‘rinni egallagan. Shuningdek, tahsil olgan o‘quv markazlarida tashkil etilgan imtihonlarda yaxshi natija ko‘rsatib, mukofotlangan.

Uning hayotida eng katta ta’sir ko‘rsatgan insonlardan biri — onasi. Onasi o‘qituvchi bo‘lib, kasbiga bo‘lgan mas’uliyati va yoshlarga bilim berishga intilishi Mohinurda ham ta’lim sohasiga katta qiziqish uyg‘otgan. Onasi ona tili va adabiyoti o‘qituvchisi. Oilasida ilm-ma’rifatga alohida e’tibor qaratiladi, bilimli va ziyoli insonlar ko‘p. Bobosi tibbiyot sohasida yetuk shifokor bo‘lgan. Xonadonida turli janrdagi, jumladan, tibbiyotga oid ko‘plab kitoblar, hatto Abu Ali ibn Sinoning asarlari ham bor. Buvijonining kitob mutolaasiga qiziqishi ham uning dunyoqarashiga ijobiy ta’sir ko‘rsatgan. Oilasida har qanday qiziqish va intilish doimo qo‘llab-quvvatlanadi. Aynan shu muhit unda ilmga muhabbat va doimiy izlanish istagini shakllantirgan.

Bo‘sh vaqtida kitob o‘qishga qiziqadi. Unga jahon adabiyoti va detektiv kitoblar ko‘proq yoqadi. Shuningdek, onasi bilan suhbatlashib, uning tajribalaridan o‘rganadi, ba’zan do‘stlari bilan sayr qiladi va foydali mashg‘ulotlar bilan shug‘ullanadi.

Mohinurning hayotiy prinsipi: “Muvaffaqiyat kaliti doimiy intilish va kichik bo‘lsa ham, har kuni qadam tashlashdir”. Uning fikricha, liderlikning muhim fazilatlari odamlarni tinglash, tushunish va umumiy maqsad yo‘lida ilhomlantirib, ergashtira olishdan iborat. U haqiqiy lider jamoa ishonchini adolati, mas’uliyati va shaxsiy namunasi orqali qozonishi, qiyin vaziyatlarda qat’iy qaror qabul qilishi hamda uning natijasi uchun javobgarlikni o‘z zimmasiga olishi kerak, deb hisoblaydi.

Kelajakda u ingliz tili sohasida yuqori malakali mutaxassis bo‘lishni, ilmiy salohiyatini muntazam oshirishni va bilim olishdan hech qachon to‘xtamaslikni maqsad qilgan. Ingliz tilini chuqur o‘zlashtirish bilan birga, qo‘shimcha xorijiy tillarni o‘rganib, keng dunyoqarash va mustahkam bilimga ega yetuk shaxs bo‘lib shakllanishni istaydi. Bilim va tajribasini boyitish, xalqaro tajriba almashish, turli davlatlarda tahsil olib, ilg‘or bilim va ko‘nikmalarni egallash uning eng katta orzularidandir. Kelajakda egallagan bilimlarini yurt ravnaqi yo‘lida qo‘llab, yosh avlod ta’limiga munosib hissa qo‘shish va Vataniga munosib farzand bo‘lishni maqsad qilgan.

U har qanday yutuq tinimsiz mehnat, o‘z ustida ishlash va o‘ziga bo‘lgan ishonch orqali qo‘lga kiritilishiga ishonadi. Bilganlarini boshqalar bilan baham ko‘rish, ularga yordam berish va doimo yangi bilimlarni egallashga intilishni muhim deb biladi.

“Eng buyuk sarmoya — bu o‘z ustingizda qilgan mehnatingiz va olgan bilimingizdir. Bugungi intilishingiz va qat’iyatingiz ertangi kunning yetuk yetakchisini shakllantiradi.”