Nigina Jovliyeva O'ktam Qizi

Nigina Jovliyeva O‘ktam qizi 2008-yil 23-oktabrda Surxondaryo viloyati Qumqo‘rg‘on tumanida tug‘ilgan. Hozirda Toshkent shahri Chilonzor tumanida yashaydi. U Qumqo‘rg‘on tumani ixtisoslashtirilgan maktabini tamomlagan va ayni paytda O‘zbekiston jurnalistika va ommaviy kommunikatsiyalar universiteti Jurnalistika fakultetining 1-kurs talabasi.

Nigina oldingi yili Surxondaryo viloyatidagi «Ishonch» televideniyesida qisqa muddat amaliyot o‘tagan. U ushbu o‘quv yilida tanlov asosida «O‘zak» jamoasiga qabul qilingan va jamoa a’zosi sifatida faoliyatini boshlagan.

U 2024–2025-o‘quv yilida hamda 2025–2026-o‘quv yilida ketma-ket 2 yil Surxondaryo viloyati bo‘yicha «Eng mohir mergan» nominatsiyasini qo‘lga kiritgan. Ingliz tili bo‘yicha CEFR B2 daraja sertifikatiga, ona tili va tarix fanlari bo‘yicha C+ darajadagi milliy sertifikatga ega. Maktab davrida ko‘plab ko‘rik-tanlovlar, musobaqalar va bilimlar bellashuvlarida faol qatnashib, turli diplomlar bilan taqdirlangan.

Uning ota-onasi uning o‘qib, izlanib, ilmli bo‘lishida beqiyos hissa qo‘shgan insonlar sifatida e’tirof etiladi. Nigina bo‘sh vaqtida badiiy kitoblar mutolaa qiladi, bilmagan narsalarini o‘rganishga intiladi. U yangilikka ochiq va izlanuvchan bo‘lib, turli insonlar bilan muloqot qilishni, yangi narsalarni o‘rganishni hamda o‘z g‘oyalarini amalga oshirishni yaxshi ko‘radi.

Uning hayotiy shiori: «Qiyinchilik — to‘xtash uchun emas, kuchliroq bo‘lish uchun». Nigina kelajakda o‘z sohasida tanilgan, mas’uliyatli va odamlar ishonadigan jurnalist bo‘lishni orzu qiladi.