OTABOYEV HUMOYUNBEK OYBEKOVICH

Humoyunbek Otaboyev Oybekovich 2008-yil 28-iyulda Xorazm viloyati Urganch tumanida tug‘ilgan. Hozirda Toshkent shahri, Uchtepa tumanida yashaydi. U O‘zbekiston davlat Jahon tillari universitetining 1-kurs talabasi bo‘lib, filologiya va tillarni o‘qitish: ingliz tili yo‘nalishida tahsil oladi.

U 2021-yilda videografiya bilan shug‘ullanishni boshlagan va turli tadbirlarda media jamoasi bilan ishlagan. 2025-yilda Xorazmdagi Pride o‘quv markazida ustozlik faoliyatini boshlagan, keyinroq esa onlayn ta’limga o‘tgan. Bo‘sh vaqtlarida videografiya bilan shug‘ullanadi, audiokitoblar tinglaydi, maqolalar yozadi va kompyuterda ishlaydi.

U Germaniyaning International High Lingua Essay Competition tanlovida dunyo bo‘yicha 2-o‘rinni egallab, maxsus diplom va GOLD MEDAL bilan taqdirlangan. IELTS umumiy bali 7, Writing bo‘limi bali esa 7.5. Shuningdek, Road Show Urgench 2.0 tadbirida volontyor sifatida qatnashgan. TIHM 2026 — Tashkent International Half Marathon tadbirida volontyor va qatnashchi sifatida ishtirok etib, Special MEDAL hamda sertifikat olgan. U Uzbekistan State World Languages University universitetiga 189, ya’ni maksimal ball bilan kirgan.

Uning hayotiga eng katta ta’sir ko‘rsatgan shaxs akasidir. Oilada 3 nafar o‘g‘il farzand bo‘lib, ota-onasi oliy ma’lumotga ega emas. Ularni katta qilish mas’uliyati akasining zimmasiga tushgan. Akasining g‘amxo‘rligi Humoyunbekni kelajakda mas’uliyatli va g‘amxo‘r shaxs bo‘lishga undagan. U vaqtini bekorga sarflashni istamaydi.

Uni ilhomlantiradigan jumla: “If you don't walk today, you will run tomorrow.” U bugungi resurslar va imkoniyatlardan hozirning o‘zida maksimal foydalanish zarur, deb hisoblaydi. Uning fikricha, liderlik faqat odamlarni yetaklash bilan cheklanmaydi; lider atrofdagilarga o‘zining yaxshi fazilatlari orqali o‘rnak bo‘la olishi kerak. “Great leaders will show their qualities to lead.”

Kelajakda u yuqori natijalarga erishishni, universitetni qizil diplomlarga bitirishni, kamida PhD darajasini yoqlashni va chet elda ta’lim olishni maqsad qilgan. Shuningdek, o‘zining ta’lim tizimini ishlab chiqib, uni o‘quv markazlariga taqdim etishni rejalashtiradi. U o‘zini qiziquvchan inson deb biladi, turli sohalarda o‘zini sinab ko‘rishni yoqtiradi va duch kelgan muammoni oxirigacha yechmagunicha boshqa ishga o‘tib ketmaydi.