Rahmonaliyeva Shodiyona Azizbek Qizi

Rahmonaliyeva Shodiyona Azizbek qizi 04.10.2008-yilda Namangan viloyati Norin tumanida tug‘ilgan. Hozirda Toshkent shahrida yashaydi. U Prezident maktabi qoshidagi ixtisoslashtirilgan maktabni tamomlagan va hozirgi vaqtda TDIU Menejment fakultetining 1-kurs talabasi hisoblanadi. U logistika sohasida tahsil olmoqda.

Shodiyona ingliz tili bo‘yicha CEFR B2 darajasiga hamda ko‘plab fanlar bo‘yicha milliy sertifikatlarga ega. Bo‘sh vaqtida kitob o‘qish, ilmiy izlanish va til o‘rganish bilan shug‘ullanadi. U ilmni izlanish, rivojlanishni esa kundalik odat deb biladi. Fikrni g‘oyaga, g‘oyani esa harakatga aylantirish tarafdori bo‘lgan Shodiyona samimiyatni fazilat, mas’uliyatni esa shaxsiy kuch deb hisoblaydi. Uning hayotiy shiori — doimo olg‘a borish va intilish.

U kelajakda tashabbuskor, lider yoshlar qatorida bo‘lish hamda davlatlararo elchilik munosabatlarida faoliyat yuritishni maqsad qilgan.