Raximova Xumora Faxriddin Qizi

Raximova Xumora Faxriddin qizi 27.11.1995-yilda tug‘ilgan. U Toshkent viloyati, Qibray tumani, Baytqo‘rg‘onda yashaydi.

U O‘zDJTUning yapon tili yo‘nalishida tahsil olgan hamda yapon tilidan C1 darajasiga ega. Xumora Raximova 2020-yildan yapon tili o‘qituvchisi sifatida faoliyat yuritib kelmoqda.

U yapon tilidan C1 sertifikatiga va JLPT N2 sertifikatiga ega. «Yuksak e’tirof» ko‘rik-tanlovining ishtirokchisi va sovrindori bo‘lgan. Yaponiyaning Higashikawa shahrida 3 oylik malaka oshirish dasturida qatnashgan. Shuningdek, O‘zbekiston yapon tili o‘qituvchilari assotsiatsiyasi raisi hisoblanadi.

U ko‘plab insonlardan motivatsiya oladi, bo‘sh vaqtida esa o‘z ustida ishlaydi. Uning hayotiy prinsipi: «Ilmim — qurolim, sabrim — kuchim, ezgu maqsadlarim — yo‘lim. Men nafaqat o‘z hayotimni, balki boshqalarning kelajagini ham yaxshilash uchun yashayman!» Uning fikricha, lider bo‘lish uchun eng muhim fazilat — insonlarni o‘z ilm-bilimi bilan jalb qila olishdir.

Kelajakda u loyihalar yaratish, ezgu ishlarni amalga oshirish va unvonlar olishni rejalashtiradi. Uning fikricha, boshqalar undan ilmni, izlanishni va tarbiyani o‘rganishlari mumkin.

«Ilm — insonni yuksaltiradigan, ta’lim esa kelajakni o‘zgartiradigan eng buyuk kuchdir. Haqiqiy tarbiya yosh avlodga faqat bilim berish emas, balki ularda ezgulik, mas’uliyat va insoniylikni shakllantirishdir.»