Raxmitdinova Mahliyo Shodiyor qizi

Raxmitdinova Mahliyo Shodiyor qizi 2008-yil 9-yanvarda Jizzax shahrida tug‘ilgan. U Jizzax viloyati Sharof Rashidov tumanida yashaydi. Mahliyo Jizzax davlat pedagogika universitetining Xorijiy til va adabiyoti: koreys tili yo‘nalishida tahsil oladi.

U ingliz tili bo‘yicha B2 hamda koreys tili bo‘yicha TOPIK 4 darajasiga ega. Bo‘sh vaqtida kitob o‘qish va qo‘shimcha tillarni o‘rganish bilan shug‘ullanadi. Uning hayotiy prinsipi: “Dunyoda sodir bo‘layotgan barcha voqea-hodisalar o‘tkinchi, doimo oldinga intilib yashang.”

Mahliyo liderlikning eng muhim fazilati sifatida mas’uliyatni o‘z zimmasiga ola bilishni ko‘radi. U boshqalar undan sabr-toqatli bo‘lishni, taslim bo‘lmaslikni va yetarlicha mas’uliyatli bo‘lishni o‘rganishlari mumkin, deb hisoblaydi. Kelajakda chet eldagi nufuzli universitetda o‘qishni, yanada ko‘proq til o‘rganib, orzusidagi hayotda yashashni rejalashtiradi.