Rõziqulova Farangiz Sherali Qizi

Ro'ziqulova Farangiz Sherali qizi 2009-yil 24-mart kuni Qashqadaryo viloyati Mirishkor tumani Jeynov shaharchasida tug‘ilgan. Hozirda u Qashqadaryo viloyati Mirishkor tumani Jeynov shaharchasida yashaydi.

U ingliz tilidan B2, ona tilidan B+ hamda matematika va tarix fanlaridan C sertifikatlariga ega. Birinchi marta ona tili fanidan repetitorga borganida mavzuni topshira olmagani va ustozidan qattiq gap eshitgani uning hayotiga ta’sir qilgan. Shundan keyin u mavzularni yaxshi topshirish hamda kerakli barcha sertifikatlarga erishishga o‘ziga va’da bergan.

Uning shiori: «Har bir qiyinchilik ortida yengillik bordir». U ko‘proq harakat qilish, yangi narsalarni o‘rganish va hamma havas qiladigan inson bo‘lishni istaydi. Uning fikricha, lider bo‘lish uchun eng muhim fazilatlar harakatchanlik va izlanuvchanlikdir.

Kelajakda u o‘z o‘quv markazini ochish, yosh avlodga bilim berish, shuningdek, o‘z fani bo‘yicha professor bo‘lishni rejalashtiradi.

«Bugun qilgan kichik harakating — ertangi katta natijangning boshlanishidir. O‘zingga ishonsang, imkoniyatlar ko‘payadi.

Xatolardan qo‘rqma — xato qilish mag‘lubiyat emas, undan saboq olmaslik mag‘lubiyatdir. Har kuni kechagidan yaxshiroq bo‘lishga intil. 🌟»