Ruhshona Hamdamova

Ruhshona Hamdamova Hamidullo qizi 2005-yil 4-oktabrda Samarqand viloyati Urgut tumanida tug‘ilgan. U Samarqand viloyati Urgut tumani Taroqli MFYda yashaydi.

U Sharof Rashidov nomidagi Samarqand davlat universiteti Yuridik fakultetining 3-bosqich talabasi bo‘lib, yurisprudensiya yo‘nalishida tahsil oladi. Maktabdagi huquq fani ustozining ta’siri uning ushbu sohaga qiziqishining asosiy sababchisi bo‘lgan. U kelajakdagi kasbiga yuksak qiziqish bildiradi.

Ruhshona “Kitobxon talaba” tanlovida “Adolat” jamoasi tarkibida qatnashib, 2-o‘rinni qo‘lga kiritgan. Uning fikricha, lider bo‘lish uchun har qanday sharoitga moslashuvchanlik va tashabbuskorlik muhim. Boshqalar undan adolatlilikni, rahm-shafqatni va insoflilikni o‘rganishlari mumkin.

Bo‘sh vaqtida u turli xil tabiat manzaralarini chizadi hamda foam sheetdan turli xil gullar yasaydi. Uning hayotiy prinsipi: “Reja ish bermasa, rejani o‘zgartiring, ammo maqsadni emas.”

Uning kelajakdagi rejalari — prokuraturada ishlash va ota-onasi xohlagandek farzand bo‘lish.

“Biror-bir muvaffaqiyatga erishish uchun qachondir kimdir yordam berishini kutmasdan, har doim harakatda bo‘lish zarur. Har kuni yangi ma’lumotlarni o‘rganish kerak.”