Sherxanova Mukarramxon Oybekovna
Sherxanova Mukarramxon Oybekovna 2009-yil 11-aprelda O‘zbekiston Respublikasi Xorazm viloyatining Urganch shahrida tug‘ilgan. Hozirda Toshkent shahri, Chilonzor tumanida yashaydi.
U Xorazm viloyati Urganch tumanidagi 11-sonli umumiy o‘rta ta’lim maktabida tahsil olgan. Hozirda UzSWLUning ingliz tili filologiyasi yo‘nalishida 1-kurs talabasi.
U faoliyatini 2026-yildan boshlab universitetda o‘qishi davomida turli tadbirlar va jamoat ishlarida faol ishtirok etish orqali boshlagan. U “FLEX” dasturining 2024–2025-yilgi yarim finalchisi, “Yosh Liderlar Volontyorlik Harakati”ning faol a’zosi va “Qizlar akademiyasi” a’zosi. “VMUN III” konferensiyasida “Best Delegate” nominatsiyasi sohibasi bo‘lgan. Shuningdek, ko‘plab xalqaro onlayn MUN konferensiyalarida faol delegat sifatida ishtirok etgan. “Besh muhim tashabbus” doirasida ijodiy faoliyat olib borib, she’rlar yozgan hamda ijodiy tadbirlarda faol qatnashgan.
Uning hayotida ota-onasi va ustozlarining qo‘llab-quvvatlashi, bergan tarbiyasi hamda bilim olishga undashi muhim o‘rin tutadi. Turli tanlovlar, MUN konferensiyalari va volontyorlik faoliyatidagi tajribalari uning o‘ziga bo‘lgan ishonchini oshirib, liderlik hamda jamoada ishlash ko‘nikmalarini rivojlantirgan.
Bo‘sh vaqtida kitob o‘qiydi, she’r yozadi, ingliz tili ustida ishlaydi va xalqaro mavzularga oid ma’lumotlarni o‘rganadi. U xalqaro ta’lim dasturlari, grantlar va yoshlar uchun imkoniyatlar haqida izlanib, foydali ma’lumotlarni tengdoshlari bilan ulashishni yoqtiradi. MUN va volontyorlik faoliyati orqali yangi bilim hamda tajribalar orttirishga intiladi.
Uning fikricha, lider uchun eng muhim fazilat — mas’uliyat. U boshqalarni tinglash, turli fikrlarni hurmat qilish va jamoani umumiy maqsad sari birlashtira olishni ham muhim deb hisoblaydi. U yangi muhitga kirishdan, savol berishdan va o‘z fikrini bildirishdan tortinmaydi hamda har bir insonning qarashlari va tajribasidan nimadir o‘rganish mumkinligiga ishonadi.
Kelajakda xalqaro munosabatlar va diplomatiya sohasida chuqur bilim hamda tajriba orttirib, xalqaro maydonda O‘zbekiston manfaatlarini munosib ifoda eta oladigan mutaxassis bo‘lishni maqsad qilgan. U ta’limini rivojlantirish, xalqaro dastur va loyihalarda faol ishtirok etish, yangi tillarni o‘rganish hamda liderlik ko‘nikmalarini mustahkamlashni istaydi. Shuningdek, yoshlar uchun xalqaro ta’lim imkoniyatlarini kengroq tanitish va o‘z tajribasi orqali ularga foyda keltirishni asosiy maqsadlaridan biri deb biladi.
Uning hayotiy prinsipi — shunday yashashki, bir kun u bu dunyoda bo‘lmaganda, jamiyat kimnidir yo‘qotganini his qilsin.