Sobirova Ma'suma Islomjon Qizi

Sobirova Ma'suma Islomjon qizi 2008-yil 18-avgustda Farg‘ona viloyati Buvayda tumanida tug‘ilgan. U hozirda Toshkent shahri Olmazor tumanida yashaydi.

U Toshkent Davlat Tibbiyot Universitetining 1-kurs talabasi bo‘lib, Oliy hamshiralik ishi yo‘nalishida tahsil oladi. U faoliyatini 2026-yilda boshlagan. Kelajakda yaxshi kardiolog bo‘lib, insonlar hayotini saqlab qolishni xohlaydi; shu bilan birga, eng professional kardiojarroh bo‘lishni ham maqsad qilgan.

Ma'suma IELTS imtihonidan 7.0 ball olgan va TOPIKdan 4-darajaga ega. U rus tilida bemalol gapira oladi. Maktabni oltin medal bilan tugatgan hamda O‘zbek tili tuman olimpiadasida 1-o‘rinni egallagan. Shuningdek, u «MA’RIFAT FIDOYISI-2026» xalqaro ilmiy-amaliy konferensiyasi ishtirokchisi.

Unga Toshkent Davlat Tibbiyot Universiteti rektori Boymurodov Shuhrat Abdujalilovich hamda Menejment, tibbiy biologiya, biotibbiyot muhandisligi va oliy hamshiralik ishi fakulteti dekani Ilhom Otoboevich bilan bo‘lgan uchrashuv katta ilhom va motivatsiya bergan.

Bo‘sh vaqtida turli mavzular bo‘yicha tadqiqotlar olib boradi, chet tillarini o‘rganadi, badiiy va jahon adabiyotlarini o‘qiydi hamda sayohat qiladi. U chet tillaridan dars bergan. Uning fikricha, lider bo‘lish uchun o‘z vaqtidan unumli foydalanish, tartibli, intizomli, mas’uliyatli, qo‘rqmas va aqlli bo‘lish muhim. Boshqalar undan intizom, tartib, odob va ishtiyoqli bo‘lishni o‘rganishlari mumkin.

U Toshkent Davlat Tibbiyot Universitetining nufuzli talabasi bo‘lishni, chet elda amaliyot o‘tashni, Toshkent Davlat Tibbiyot Universiteti nufuzini jahondagi top-5 talik universitetlar — Harvard, Stanford va boshqalar qatoriga kiritishni, Nobel mukofotiga sazovor bo‘lishni hamda insonlar hayotini yengillashtirish uchun yangiliklar kashf qilishni orzu qiladi. Uning uchun faqat universitetga kirish yoki diplom olish emas, balki o‘z sohasida kuchli mutaxassis bo‘lish ham muhim. U tillarni o‘rganish, yangi narsalarni bilish va o‘zini rivojlantirishga qiziqadi. Ba’zida hammasiga ulgurish qiyin bo‘lsa-da, maqsadlaridan voz kechishni istamaydi. U Allohga tavakkal qiladi va harakat qilishda davom etadi. Eng katta orzularidan biri — kelajakda ota-onasi faxrlanadigan inson bo‘lish va ko‘plab insonlarga yordam berish.

Uning hayotiy shiori: «Allohga tavakkal, qalbda maqsad, amalda matonat — bir kun kelib, bugungi orzularim insonlar hayotini saqlab qoladi».

«Har doim o‘z orzularingizga ishoning va qiyinchiliklardan qo‘rqmay, maqsadingiz sari intiling. Allohga tavakkal qiling, tinimsiz harakat qiling va hech qachon o‘zingizga bo‘lgan ishonchni yo‘qotmang».