Teshayeva Marjona Shomurod Qizi

Teshayeva Marjona Shomurod qizi Buxoro viloyatida yashaydi. U Buxoro davlat texnika universitetida doktorant sifatida kimyo sohasida tahsil oladi. Faoliyatini 2020-yilda boshlaganini bildirgan. Maktab davridan kimyo fani o‘qituvchisini yaxshi ko‘rgan va ushbu o‘qituvchi unda kimyoga bo‘lgan qiziqishni rivojlantirgan. Bo‘sh vaqtida kitob o‘qiydi, turli taomlar pishiradi, SMM va mobilografiya bilan shug‘ullanadi. Uning hayotiy shiori: «Hayot tirishqoq, o‘z ustida ishlaydiganlarni yaxshi ko‘radi». U lider bo‘lish uchun eng muhim fazilat deb aql bilan yashashni hisoblaydi. Kelajakda kimyo fanlari professori bo‘lishni maqsad qilgan. Shuningdek, ko‘p sayohat qilish va turli davlatlarni sayr qilishni istaydi. Uning yoshlar uchun maslahati: «Faqat o‘z ustida ishlash, har kuni yangi bilim o‘rganish».