Tilavova Fathiyakhan

Tilavova Fathiyaxon Mehroj qizi 2011-yil 3-sentabrda tug‘ilgan. U Samarqand shahri, Tayloq tumanida yashaydi. U Tayloq tumanidagi 60-maktabda 7-sinfgacha tahsil olgan, 7-sinfdan boshlab esa Samarqand shahridagi Oxford International Schoolda tahsil oladi.

U tarjimonlik va moda dizayni bilan shug‘ullanadi, kitob yozadi hamda mutolaa qiladi. U faoliyatini 13 yoshidan o‘z qiziqishlari va iste’dodlaridan foydalangan holda boshlagan. Bo‘sh vaqtida rasm chizadi, dizaynlar yaratadi, kitob o‘qiydi va qo‘shimcha tillarni o‘rganadi.

U MUN konferensiyalarida 10 dan ortiq tajribaga ega bo‘lib, “Best Delegate”, “Best Position Paper” va “Honorable Mention” nomlarini qo‘lga kiritgan. U XPERTSTEM olimpiadasida Respublika bronza medali g‘olibasi bo‘lgan. Shuningdek, u “Jim qichqiriq” nomli kitob muallifi va Red Crescent Samarqandning rasmiy volontyoridir. TEDx Talks ham uning faoliyatida qayd etilgan.

Uning hayotidagi eng aziz inson — onasi Nargizaxon O‘roqova. U har narsadan charchagan paytlarida onasining shunchaki bir qarashi ham unga katta motivatsiya berishini aytadi va o‘z yutuqlariga onasi borligi sabab erishayotganini ta’kidlaydi. Uning hayotiy shiori: “Chegaralar faqat xaritada!”

U kelajakda AQShdagi Princeton universitetiga grant asosida kirishni, moda dizayneri bo‘lib moda olamiga katta hissa qo‘shishni, minglab kitoblarni o‘qib tugatishni, IELTS, SAT va APlardan yuqori ball olishni, 7 ta kitob nashr qilishni hamda Oxford Xalqaro maktabini oltin medal bilan tamomlashni rejalashtiradi. Uning fikricha, haqiqiy lider muvaffaqiyatni jamoaga topshiradi, xato va mag‘lubiyatni esa to‘liq o‘z zimmasiga oladi; u ish yakunida bahona qidirmaydi va natijaga javob beradi. Tilavova o‘zini juda ekstravert, xushchaqchaq va kreativ inson deb biladi, do‘stlari ham ko‘pligini aytadi.