Tursunbekova Mushtariy Odilbek Qizi

Tursunbekova Mushtariy Odilbek qizi — xalqaro munosabatlar yo‘nalishi talabasi va ingliz tili o‘qituvchisi. U maktab davridan bilimga qiziqib, turli fan olimpiadalari hamda ko‘plab tanlovlarda faol ishtirok etgan va g‘olib bo‘lgan. U ingliz tili, ona tili va tarix fanlaridan sertifikatlarga ega. Shuningdek, u “Yosh kitobxon” tanlovi g‘olibi bo‘lib, kitob o‘qish va fikrlash madaniyatiga alohida e’tibor beradi.

Mushtariy ingliz tili o‘qituvchisi sifatida o‘quvchilarga til o‘rgatish bilan birga, ularda o‘qishga qiziqish uyg‘otishga harakat qiladi. Kitob o‘qish uning eng sevimli mashg‘uloti bo‘lib, u yangi tillar, madaniyatlar va insonlar bilan tanishishni yaxshi ko‘radi. U o‘z ustida muntazam ishlaydi, yangi bilim va tajribalarga intiladi.

U kelajakda xalqaro munosabatlar sohasida malakali mutaxassis va diplomat bo‘lishni maqsad qilgan. Uning rejalari chet tillarini yanada mukammal o‘rganish, nufuzli xalqaro tashkilotlar va almashinuv dasturlarida ishtirok etish hamda magistraturada tahsil olishdan iborat. U O‘zbekistonning dunyodagi obro‘sini oshirishga, xalqlar o‘rtasida do‘stlik va hamkorlik ko‘priklarini qurishga hissa qo‘shmoqchi. Uning orzusi mamlakatimiz nomidan xalqaro maydonlarda so‘zlash va yosh avlodga o‘rnak bo‘lishdir.

Uning hayotiy shiori: “Dunyo chegaralar bilan emas, muloqot bilan mustahkam.”