Xolova Kamola Avaz Qizi

Xolova Kamola Avaz qizi 2008-yil 14-dekabrda Navoiy viloyati Karmana tumani Hazora qishlog‘ida tug‘ilgan. U hozirda Navoiy viloyati, Navoiy shahri, Taraqqiyot mahallasi, Vatanparvar ko‘chasida yashaydi.

Kamola tugallanmagan oliy ta’lim darajasiga ega bo‘lib, Navoiy viloyati Zarafshon shahridagi 12-sonli umumiy o‘rta ta’lim maktabini tamomlagan. Hozirda Navoiy Davlat Konchilik va Texnologiyalar Universiteti Kimyo-metallurgiya fakultetining Iqtisodiyot yo‘nalishi 1-kursida davlat granti asosida tahsil olmoqda.

U kichik yoshidan bank sohasi, iqtisodiy munosabatlar va moliyaga qiziqib kelgan. Matematikasiz hayotini tasavvur qila olmasligini bildiradi. Keyinchalik ingliz tilini ham o‘rganib, shu sohada ta’lim ola boshlagan. Kamola matematika, ingliz tili, ona tili (o‘zbek tili) va tarix fanlaridan milliy sertifikatlarga ega bo‘lgan hamda muddatidan oldin imtihonsiz talaba bo‘lgan.

Uning hayotida bobosining o‘rni alohida. Bobosi maktabda ona tili va adabiyot fanidan o‘qituvchi, keyinchalik esa direktor bo‘lgan. Bobosi uning doimo eng zo‘ri bo‘lishi va tengdoshlaridan oldinda bo‘lishi kerakligini ta’kidlagan. Kamola onasidan mas’uliyatni, dadasidan esa qat’iyatni o‘rgangan; aynan shu ko‘nikmalar uning hayotini o‘zgartirgan.

Bo‘sh vaqtining ko‘p qismini kitob o‘qish va Ibrat platformasida ingliz tili bilan shug‘ullanishga bag‘ishlaydi. Universitet fanlarini qo‘shimcha o‘zlashtirish uchun ilmiy manbalarni o‘qiydi. Shuningdek, yengil atletika, badminton va raqs bilan shug‘ullanishni yoqtiradi.

Kamola universitetidagi Yoshlar Ittifoqi a’zosi hamda 1-kurslar orasida yetakchi lider. Bundan tashqari, Navoiy shahar Favqulodda vaziyatlar bo‘yicha volontyorlar jamoasi a’zosi. Kelajakda viloyatda koordinator volontyor bo‘lish niyatida.

U lider bo‘lish uchun eng muhim fazilat mas’uliyatli bo‘lish, deb hisoblaydi. Uning fikricha, lider buyurmaydi, balki mas’uliyat bilan yondashib, yelkama-yelka turib qo‘llab-quvvatlaydi. U insonlarni hurmat qilish, hech kimni o‘zidan past ko‘rmaslik, qo‘lidan kelganicha yordam berish va har qanday inson bilan yaxshi munosabat o‘rnatishga harakat qilishni muhim deb biladi. Doimo o‘rganish, rivojlanish va yaxshi inson bo‘lishga intilish uning uchun muhim.

Kamola 2-kursdan boshlab nomdor stipendiyalarga nomzodini qo‘yishni rejalashtirgan. U 4-kursgacha Navoiy Davlat Konchilik va Texnologiyalar Universitetida o‘qib, keyinchalik magistratura ta’limini Germaniyada davom ettirishni hamda o‘z sohasida mutaxassis bo‘lishni maqsad qilgan. Uning hayotiy prinsipi: “Ko‘proq bilim olish uchun o‘qiyman, yaxshi inson bo‘lish uchun o‘rganaman.”