Xudoynazarov Erkinjon Ergashboy O'g'li

Xudoynazarov Erkinjon Ergashboy o‘g‘li 16.11.2000-yilda Jizzax viloyati Zomin tumanida tug‘ilgan. U Toshkent shahri Yakkasaroy tumanida yashaydi. Oliy ma’lumotli bo‘lib, Toshkent to‘qimachilik va yengil sanoat institutida tahsil olgan.

U logistika sohasida faoliyat olib bormoqda. Faoliyatini 2026-yilda dispetcherlikdan boshlagan. Xalqaro va mahalliy konferensiyalarda loyihalar bilan ishtirok etgan hamda sertifikatlarga ega.

Erkinjon Xudoynazarov bakalavr va magistraturani a’lo baholar bilan tugatgan. U dissertatsiya yozgan, xalqaro ilmiy konferensiyalarda yutuqlarga erishgan va prezident stipendiyasiga nomzod bo‘lgan. U o‘zida intizom va qat’iyat, bilim va ilmiy salohiyat, mas’uliyatni olishga tayyorlik, uzoq muddatli maqsad sari intilish hamda tashabbuskorlikni muhim fazilatlar deb biladi. U imkoniyatni kutmay, uni o‘zi izlashini ta’kidlaydi.

Bo‘sh vaqtida sport bilan shug‘ullanadi, kitob o‘qiydi, til o‘rganadi, IT bilan shug‘ullanadi va innovatsion g‘oyalar yaratadi. U “Amallar niyatga bog‘liq” tamoyilini hayotda va rahbarlikda asos qilib olgan, halollikni asosiy qadriyat deb biladi.

Kelajakda davlat xizmatiga kirib, o‘z sohasida amaliy tajriba orttirishni rejalashtiradi. U ilmiy maqolalar chop etish, dissertatsiya natijalarini amaliyotga tatbiq etish yo‘llarini izlash, soha bo‘yicha rahbar lavozimga erishish va o‘z jamoasini shakllantirishni maqsad qilgan. Shuningdek, yengil sanoatda mahalliy xomashyo asosidagi innovatsion mahsulotlarni ishlab chiqarishga joriy etishni, fan nomzodi/doktori ilmiy darajasini olib, yosh mutaxassislarga ustoz bo‘lishni istaydi. U mustahkam oila qurib, ota-onasining duosiga munosib farzand bo‘lishni orzu qiladi.

Uning asosiy shiori: “Niyatim pok, mehnatim to‘xtovsiz, maqsadim Vatan manfaati.”