Xurmaxamatova Robiya Faxritdin Qizi

Xurmaxamatova Robiya Faxritdin qizi 2009-yil 18-mart kuni Andijon viloyati Jalaquduq tumanida tug‘ilgan. Hozirda Andijon viloyatida yashaydi. U Andijon davlat universiteti Huquq-iqtisod fakultetining Milliy g‘oya, ma’naviyat asoslari va huquq ta’limi yo‘nalishi 1-bosqich talabasi bo‘lib, huquqshunoslik bo‘yicha tahsil olmoqda.

Robiya 6-sinfdan tarix faniga qiziqib, uni o‘rganishni boshlagan. 9-sinfda huquqshunoslik bo‘yicha o‘qishni boshlagan, 11-sinfni bitirgach esa shu yo‘nalish bo‘yicha oliy ta’limga topshirgan. Hozirda tarix va ona tili fanlaridan yuqori darajali sertifikatlarga ega. U yoshligidan hunar o‘rganish, turli to‘garaklarga borish, o‘qish va hunarni teng olib borgan. Yuqori sinfga o‘tganda oliy ta’limga kirish uchun qattiq harakat qilib, 8 oyda 2 ta sertifikat olgan.

Unga hayotdagi turli xil past-balandliklar va maktabdagi ustozlari ta’sir ko‘rsatgan. Bo‘sh vaqtida kitob o‘qiydi, video darsliklarni tomosha qiladi va chevarlik bilan shug‘ullanadi. Uning fikricha, lider bo‘lish uchun o‘ziga ishonch, boshqaruvchanlik va adolatli bo‘lish muhim. Shuningdek, boshqalar undan kam gapirishni va adolatli bo‘lishni o‘rganishlari mumkin deb hisoblaydi.

Robiya bakalavriatni bitirib, magistraturada yuridika yo‘nalishida o‘qishni, Adliya vazirligida yoki FHDYO bo‘limida ishlab, insonlarga yordam berishni rejalashtirgan. Uning hayotiy prinsipi: «Hayotda o‘zing uchun o‘zing harakat qil, senga hech kim yordam bermaydi. Faqat ota-onangga ishon, duosini ol va harakatdan to‘xtama».

«Ba’zan insonning eng katta jangi — o‘z qalbidagi sukut bilan bo‘ladi.»