Yuldosheva Dilshoda Nasriddin Qizi

Yuldosheva Dilshoda Nasriddin qizi 2007-yil 23-noyabrda tug‘ilgan. U Qashqadaryo viloyati, Qamashi tumanida yashaydi. Dilshoda o‘rta ta’limni Qashqadaryo viloyati Qamashi tumanidagi 28-umumiy o‘rta ta’lim maktabida olgan.

U hozirda o‘zbek tili va adabiyoti yo‘nalishining 1-kurs talabasi. Ingliz tilidan B2 hamda o‘zbek tili va adabiyotidan A sertifikatlari sohibasi. Uning hayotiga buvisi ta’sir ko‘rsatgan, Yunus Emro esa unga ilhom bag‘ishlaydi.

Dilshoda bo‘sh vaqtida kitob o‘qiydi, sport bilan shug‘ullanadi va hikoyalar yozadi. Uning fikricha, lider barcha insonlarni bir maqsad tomon chorlay olishi kerak. U kitob o‘qigan inson kitob o‘qimagan insondan har doim oldinda bo‘lishiga ishonadi.

Uning bu hayotdagi eng oliy maqsadi insonlarga foydasi tegadigan, el-yurt koriga yaraydigan inson bo‘lishdir.