Ziyoda Musayeva Nurilla Qizi

Ziyoda Musayeva Nurilla qizi 2009-yil 23-martda tug‘ilgan va Toshkent shahrida yashaydi. U umumiy o‘rta ta’limni tamomlagan, hozirda O‘zbekiston jurnalistika va ommaviy kommunikatsiyalar universiteti (O‘zJOKU)da jurnalistika yo‘nalishida tahsil olmoqda.

Ziyoda jurnalistikaga qiziqishni maktab davrida boshlagan. U Yosh jurnalistlar maktabida tahsil olib, jurnalistika va media sohasiga oid dastlabki bilim hamda ko‘nikmalarni egallagan. Keyinchalik turli tadbirlarda ishtirok etib, maqola va ijodiy materiallar tayyorlash orqali bu yo‘nalishdagi faoliyatini rivojlantirib borgan. Maktab davrida radio dasturlarini ham olib borgan.

U Yosh jurnalistlar maktabi sertifikati va IELTS sertifikatiga ega. Shuningdek, O‘zJOKUga grant asosida o‘qishga kirgan. Ushbu voqea uning hayotiga katta ta’sir ko‘rsatib, o‘z ustida yanada ko‘proq ishlash va kelajagiga ishonch bilan qarash uchun motivatsiya bergan. Ziyoda Zulfiya nomidagi davlat mukofotiga nomzod sifatida ham qatnashgan.

Bo‘sh vaqtida tikuvchilik va she’r yozish bilan shug‘ullanadi, yangiliklar hamda kitoblar o‘qiydi. Uning hayotiy prinsipi: “Har kuni kechagidan yaxshiroq bo‘lishga intil.” Uning fikricha, lider uchun eng muhim fazilat — mas’uliyat, chunki haqiqiy lider nafaqat boshqaradi, balki o‘z qarorlari va jamoasi uchun javob bera oladi.

Ziyoda kelajakda malakali va xalqaro miqyosda faoliyat yurituvchi jurnalist bo‘lishni, o‘z sohasida katta loyihalarni amalga oshirishni, media sohasida o‘z loyihalarini yo‘lga qo‘yishni hamda ijodiy kitobini nashr ettirishni maqsad qilgan. Uning fikricha, boshqalar undan sabr, mas’uliyat, ingliz tilini o‘rganish va o‘z maqsadi sari qat’iyat bilan harakat qilishni o‘rganishlari mumkin.

“Har bir imkoniyatdan foydalaning va o‘z ustingizda doimo ishlang. Orzularingiz sari dadil qadam tashlab, hech qachon o‘zingizga bo‘lgan ishonchni yo‘qotmang.”