TO‘RAYEVA CHAROSXON SHAVKAT QIZI

To‘rayeva Charosxon Shavkat qizi

O‘qituvchi | Ilmiy izlanishlar muallifi | Yosh avlod tarbiyachisi

Tug‘ilgan sana: 1999-yil 2-fevral

Tug‘ilgan joyi: Buxoro viloyati, Qorako‘l tumani

Yashash joyi: Buxoro viloyati, Shofirkon tumani

Ta’lim: Navoiy davlat pedagogika instituti (bakalavr va magistratura)

Faoliyati: Buxoro davlat pedagogika instituti, Maktabgacha ta’lim kafedrasi o‘qituvchisi

Ta’lim va faoliyat yo‘li

Charosxonning ilm sari sayohati 2018-yilda Navoiy davlat pedagogika institutida boshlanib, bakalavr va magistratura bosqichida davom etdi. Talabalik davridayoq u o‘z kasbini amaliyot bilan uyg‘unlashtirdi. 2021-yilda Qorako‘l tumanidagi 7-sonli DMTTda tarbiyachi sifatida ilk faoliyatini boshladi. Keyinchalik Navoiy shahridagi 2-sonli DMTTda tarbiyachilik bilan birga magistratura ta’limini davom ettirdi.

Mehnatsevarligi va izlanishga bo‘lgan qiziqishi sabab 2022-yilda Navoiy davlat pedagogika institutining Maktabgacha ta’lim kafedrasida kabinet mudiri lavozimida faoliyat yurita boshladi. 2023-yilda magistratura bosqichini muvaffaqiyatli yakunlab, Navoiy innovatsiyalar universitetida o‘qituvchi sifatida ish boshladi. Turmush sababli 2024-yildan buyon Buxoro davlat pedagogika institutining Maktabgacha ta’lim kafedrasida o‘qituvchilik qilmoqda.

Yutuqlar va e’tiroflar

Charosxon o‘zining mehnati va tashabbuskorligi bilan ko‘plab mukofot va e’tiroflarga sazovor bo‘lgan:

• 2022-yil – MDH davlatlari o‘rtasidagi “Best publication” ilmiy tadqiqotlar markazi tomonidan “Tashabbuskor islohatchi” ko‘krak nishoni.
• 2024-yil – “Najot Nur”ning “Notiqlik mahorati” kursini muvaffaqiyatli yakunlaganlik sertifikati.
• 2025-yil – Turk tilidan B1 sertifikati.
• 20 ga yaqin ilmiy tezis va maqolalar muallifi.

Uning ilmiy ishlari va dars berish tajribasi maktabgacha ta’lim yo‘nalishida katta amaliy ahamiyat kasb etmoqda.

Hayot falsafasi va shiorlari

Charosxon uchun hayotdagi eng katta motivator — bu onasi. Har qanday vaziyatda unga “Sen qila olasan” deb dalda bergan, ishonch va sabr bag‘ishlagan inson onasi bo‘lgan. Shu sababli u ilm yo‘lida dadil yurib, bugun doktorantura sari intilmoqda.

Uning hayotiy shiori Paulo Koeloning “Alkimyogar” asaridagi jumla bilan uyg‘unlashadi:

“Sen kim bo‘lishingdan qat’i nazar, biror narsani chin dildan istasang, albatta erishasan.”

Charosxon uchun bu jumla — orzu va mehnat uyg‘unligi bilan cho‘qqilarni egallash mumkinligini anglatadi.

Shaxsiy qiziqishlar va dunyoqarash

Charosxon bo‘sh vaqtlarini behuda sarflamaydi. U badiiy adabiyot mutolaasi bilan ruhiy oziq oladi, zamonaviy bilimlarni media olamidan izlashi orqali doimiy yangilikdan xabardor bo‘ladi. Uningcha, raqamli texnologiyalar davrida eng katta qadriyat — vaqtni qadrlash va gadjetlar ustidan ongli nazoratni saqlashdir.

Uning fikricha, haqiqiy lider — halol, samimiy va shijoatli insondir. Shu fazilatlargina odamlarni ergashtirish, ularning ishonchini qozonish va kelajak uchun yo‘l ochish imkonini beradi.

Kelajak maqsadlari

Charosxon kelajakka katta rejalar bilan qaraydi:

• Doktorantura bosqichini tamomlab, ilmiy darajaga ega bo‘lish.
• Oila, farzandlar va jamiyat uchun zarur bo‘lgan olimalardan biri bo‘lish.
• Yoshlarni ilmga, ezgulik va halollikka undash.

Uningcha, inson o‘z hayotini boshqarishda eng katta kuch — mas’uliyatdir. Shu tamoyil uni doimo oldinga intiltiradi.

Yoshlar uchun saboq

Charosxon o‘z tengdoshlariga shunday murojaat qiladi:

“Vaqtni qadrlang. Raqamli davrda texnologiyalar bizni emas, biz ularni boshqarishimiz kerak. Har qanday orzu chin dildan intilish bilan amalga oshadi.”