MAMIROV MUZAFFAR AHMADJON O'G'LI

Mamirov Muzaffar — IT va mobilografiya olamida o‘z izini qoldirayotgan yosh yetakchi

Tug‘ilgan sana: 2-iyul 2005-yil

Tug‘ilgan joy: Andijon viloyati, Andijon shahri

Faoliyat sohasi: IT, mobilografiya, media kontent yaratuvchilik

O‘qish joyi: Turin Politexnika Universiteti, AKITA IT fakulteti, 2-kurs

IT va media sari boshlang‘ich qadamlar

Mamirov Muzaffar texnologiya va ijodiy g‘oyalarga qiziqishi tufayli 2022-yildan IT sohasida faoliyat boshladi. Andijon Yoshlar Ishlari Agentligi qoshidagi ACODE CORPORATION o‘quv markazida ta’lim olib, shu yerning o‘zida o‘qituvchi sifatida ishlashga muvaffaq bo‘ldi. Rahbariyat tomonidan berilgan tavsiyanoma uning fidoyiligini va bilimini e’tirof etadi.

Shu bilan birga, ijodkorlik ruhi uni media olamiga yetakladi. Mobilografiya bo‘yicha bir yildan ortiq tajribaga ega bo‘lib, ko‘plab brendlar bilan hamkorlik qildi. Hozirda u Turin Politexnika Universiteti AKITA Students Union media kontent bo‘limi rahbari hamda universitetning videomakeri sifatida faoliyat yuritmoqda.

Sportdagi g‘alabalar va ijoddagi yutuqlar

Muzaffar faqat IT va media bilan cheklanmay, sport sohasida ham o‘z o‘rniga ega. U MMA (aralash jang san’ati) bo‘yicha Andijon viloyati chempioni bo‘lgan. Media sohasida esa uning kontentlari ko‘plab brendlarni yuqori cho‘qqilarga olib chiqishda muhim rol o‘ynagan.

Ustozlari — Kamalitdinov Doniyor, Adilbekov Zuhriddin va Murodillo Ismailov — unga hayotda intizom, odob, yangilikka intilish va erkaklik mas’uliyatini o‘rgatgan. Muzaffar ulardan olgan saboqlarni amaliyotda qo‘llab, “biror narsani boshlash uchun hech qachon kech emas” tamoyiliga qat’iy amal qiladi.

Kelajak rejalari va ilhom manbai

Bo‘sh vaqtida u tillarni o‘rganadi: turk tilini yaxshi biladi, ingliz va koreys tillarida o‘rta darajada so‘zlashadi, rus tilini esa o‘zlashtirish jarayonida. Kelajakda O‘zbekistonni IT sohasida yetakchi davlatlar qatoriga olib chiqish va odamlar dunyoqarashini kengaytiradigan yuqori sifatli video kontentlar ishlab chiqish uning asosiy maqsadlaridan.

Uning fikricha, lider bo‘lish uchun birinchi navbatda mas’uliyat, og‘ir-boshlik va halollik zarur. Shuningdek, keng fikrlash, intilish va hammadan bir qadam oldinda bo‘lish — muvaffaqiyat kaliti.

Ilhom beruvchi chaqiriq

Muzaffar yoshlarni orzularini kechiktirmaslikka undaydi:

“Qaysi sohaga qiziqsangiz, o‘sha yo‘ldan borib, harakatdan to‘xtamang. Yoshman, hali vaqtim bor demang — ajdodlarimiz bizning yoshimizda davlatlarni boshqargan. Bahonalar esa umrni bekorga sarflashdir.”