TOIRQULOV JAMSHID HAYITMUROD O‘G‘LI

Toirqulov Jamshid — adolat yo‘lida qat’iyat bilan harakat qilayotgan lider

Tug‘ilgan sana: 30-may 2006-yil

Tug‘ilgan joy: Samarqand viloyati, Pastdarg‘om tumani

Ta’lim: Berdaq nomidagi Qoraqalpoq davlat universiteti, Yuridika fakulteti, Yurisprudensiya yo‘nalishi, 2-kurs talabasi

Avvalgi ta’lim: 2 yil Buxoro viloyati, Qorako‘l tumanida tahsil olgan, maktabni qizil atestat bilan tugatgan

Huquqqa bo‘lgan erta qiziqish

Jamshidning huquq sohasiga bo‘lgan muhabbati maktab davridayoq shakllangan. Yoshligidan huquqiy manbalarni izlab topish, ularni o‘qish va tahlil qilish unga zavq bag‘ishlagan. Bu intilish keyinchalik uni ikki yil davomida Buxoro viloyatining Qorako‘l tumanida o‘qishga, so‘ngra esa Berdaq nomidagi Qoraqalpoq davlat universitetining Yuridika fakultetiga yetakladi. Bugun u universitetning yetakchi talabalaridan biri sifatida tanilgan va turli tanlovlarda mukofotlarga sazovor bo‘lgan. Huquq hamda ingliz tili bo‘yicha yuqori natijalar, shuningdek, inson huquqlari mavzusidagi bir qancha loyihalari uning faoliyatini boyitib kelmoqda.

Ilhom manbai — ota-onasi

Jamshidning eng katta motivatsiya manbai — bu ota-onasi. Ularning mehr-muhabbati, ishonchi va doimiy qo‘llab-quvvatlashi unga har doim kuch bag‘ishlaydi. Jamshid ta’kidlaganidek, inson hayotida uni orzular sari undaydigan kuch bo‘lishi kerak, va bu kuch uning uchun ota-onasining ishonchidir.

Hayotiy tamoyil va qiziqishlar

Uning shiori aniq va qat’iy:

“Hayol qilish emas, harakat qilish natija ko‘rsatadi.”

Bo‘sh vaqtlarida Jamshid huquqiy adabiyotlar o‘qish, futbol o‘ynash va otda sayr qilishni yoqtiradi. U liderlikning eng muhim fazilati sifatida mas’uliyatni ko‘radi — haqiqiy lider nafaqat boshqaradi, balki qiyin paytda oldinga chiqib, qarorlarining oqibatini ham o‘z zimmasiga oladi.

Kelajak maqsadlari

Jamshidning eng katta orzusi — yurtiga foydali, bilimli va yetuk kadr bo‘lish. U huquq sohasini mukammal o‘rganib, mamlakatda qonuniylikni ta’minlash yo‘lida xizmat qilishni maqsad qilgan. Uningcha, inson hayotini o‘zi xohlagan shaklda barpo etish uchun faqat orzu qilish emas, balki tinimsiz harakat qilish zarur.