RAJABOVA RUXSHONA TO’YCHI QIZI

Rajabova Ruxshona To'ychi qizi — Mehnatsevarlik va ijodiy intilish timsoli

Tug‘ilgan sana va joyi: 2005-yil 17-oktabr, Samarqand viloyati Urgut tumani

Manzil: Samarqand viloyati

Ta’lim: Umumta’lim maktabi bitiruvchisi, hozirda O‘zbek tili va adabiyoti yo‘nalishida 3-kurs talabasi

Faoliyat va ilk qadamlar

Rajabova Ruxshona To'ychi qizi yoshlikdan ijod va tashabbuskorlikka intilgan qizlardan. U 2024-yildan boshlab Canva va PowerPoint dasturlarida ishlash orqali o‘zining kichik biznesini boshlagan. Hozirda ham shu faoliyatini davom ettirib, o‘z mehnati va intilishi bilan tengdoshlariga o‘rnak bo‘lmoqda.

Maktab davridayoq Ruxshona turli musobaqa va tanlovlarda faol ishtirok etib kelgan. Rassomchilikka oid tadbirlarda 1- va 2-o‘rinlarni muntazam qo‘lga kiritgan, “Kamalak bilimdonlari” jamoaviy ko‘rik-tanlovida 1-o‘rin sohibasi bo‘lgan. Shuningdek, “Eng namunali sardorlar kengashi” tuman bosqichida 3-o‘rinni olgan.

Yutuqlar va e’tiroflar

Ruxshonaning yutuqlari orasida Rossiya davlat universitetiga sertifikat orqali qabul qilingani alohida o‘rin tutadi. Bundan tashqari, universitet miqyosidagi ko‘plab tadbirlarda ham muvaffaqiyatli qatnashgan:

• Rassomchilik tadbirida 2-o‘rin va pullik voucher;
• “Nilufar qizlar” klubi lideri sifatida “Eng pozitiv lider” nominatsiyasi;
• Universitetda o‘tkazilgan TIFT malikasi tanlovida “Innovator talaba” nominatsiyasi va universitet logotipi tushirilgan soat sovg‘asi;
• Kitobxonlik chellenjlarida muntazam qatnashib, faxrli o‘rinlar egallagan.

Ilhom va shior

Ruxshonaning hayotiga eng katta ta’sir ko‘rsatgan insonlar — uning ota-onasi. Ular unga halollik, sabr va mehnatsevarlikni singdirgan. Ruxshonaning hayotiy shiori quyidagicha:

“Hayot insonga zahmatsiz hech nima bermaydi, shuning uchun har kuni o‘zingni rivojlantirib, maqsading sari qat’iyat bilan intil. Mehnat qilgan odamgina maqsadiga erishadi.”

Qiziqishlari va fazilatlari

Bo‘sh vaqtida kitob mutolaa qilish, san’at asarlari chizish va yangi bilimlarni o‘rganish — Ruxshonaning sevimli mashg‘ulotlari. U ijodkor, intiluvchan va yangilikka ochiq inson sifatida san’atni chuqur sevadi. Ayniqsa, chizgan ko‘ylak eskizlari unga doimiy ilhom manbai bo‘lib xizmat qiladi.

Ruxshona fikricha, haqiqiy liderga eng kerakli fazilat — o‘ziga yuklatilgan vazifani mas’uliyat bilan bajarish va o‘z sohasida fazilatlari bilan boshqalardan ajralib turishdir.

Kelajak va maslahatlar

Ruxshona hali katta marralarga chiqmaganini aytadi, biroq o‘z tengdoshlariga bitta tavsiyani beradi: mehnatdan qo‘rqmaslik, har bir kichik imkoniyatni qadrlash va orzular sari ishonch bilan qadam tashlash. Uning hayotiy prinsipi shunday: “Har bir kichik qadam katta natijalarga olib keladi.”