XURRAMOV ABBOS BAXRAMOVICH

Xurramov Abbos Baxramovich

Dramaturg | Teatrshunos | Ssenarist | Pedagog-targ‘ibotchi

Tug‘ilgan sana: 1997-yil 16-fevral

Tug‘ilgan joy: Surxondaryo viloyati, Sho‘rchi tumani, Yalti mahallasi

Doimiy yashash joyi: Surxondaryo viloyati, Sho‘rchi tumani

Vaqtincha yashash joyi: Toshkent shahri, Chilonzor tumani

Taxallusi: Abbos XURRAM

Millati: O‘zbek

Ta’lim yo‘li

Abbos Xurramning shakllanish yo‘li izchil ta’lim va tinimsiz izlanishlar bilan bog‘liq:

• 2004–2013 — Surxondaryo viloyati Sho‘rchi tumanidagi 18-sonli umumiy o‘rta ta’lim maktabi
• 2013–2016 — Sho‘rchi maishiy xizmat ko‘rsatish kasb-hunar kolleji, “Jismoniy tarbiya va bolalar sporti bo‘yicha murabbiy” yo‘nalishi
• 2018–2022 — O‘zbekiston davlat san’at va madaniyat instituti, Kino, televidenie va radio san’ati fakulteti, “San’atshunoslik (sahna va ekran san’ati dramaturgiyasi)”
• 2023–2025 — shu institutning Teatr san’ati fakulteti, “Teatrshunoslik” yo‘nalishi, magistratura
• 2026-yildan — San’atshunoslik fanlari bo‘yicha falsafa doktori (PhD), mustaqil tadqiqotchi

Mehnat faoliyati

• 2021–2023 — Toshkent shahar Chilonzor tumanidagi 202-umumta’lim maktabida ijodiy-madaniy masalalar bo‘yicha targ‘ibotchi
• 2022–2025 — “Barkamol avlod” respublika bolalar maktabi, uslubchi
• 2025-yildan — Toshkent shahar Chilonzor tumanidagi 131-IDUMda maktab maslahatchisi

Ijodiy faoliyat boshlanishi

Abbos XURRAM 2018-yildan boshlab hikoya, kino ssenariylari va pyesalar yozishni boshladi. Uning ijodiy shakllanishida oliy ta’limdagi ustozlarining o‘rni alohida bo‘lib, ular unga nafaqat nima yozish, balki qanday yozish kerakligini ham o‘rgatgan.

Uning qarashiga ko‘ra, ijod — bu ilhomdan ko‘ra mehnat, sabr va intizom natijasidir.

Yutuqlar va e’tirof

Abbos XURRAM qisqa vaqt ichida o‘zbek teatr va kino san’atida tanilgan ijodkorga aylandi:

• 2016 — “Quvnoqlar va zukkolar” ko‘rik-tanlovi, “Eng faol ishtirokchi”
• 2019 — Xiva shahrida o‘tkazilgan “O‘zbekiston bahori” II an’anaviy ijod festivali va Zomin seminarida “Dramaturgiya” yo‘nalishi ishtirokchisi
• 2021 — “Yangi O‘zbekiston va milliy kinematografiya” doirasidagi “Debyut” yoshlar kinofestivali — “Eng yaxshi ssenariy” g‘olibi
• 2021 — “Yil talabasi” institut bosqichi — 1-o‘rin
• 2022 — “Yilning eng yaxshi dramaturgi” nominatsiyasi g‘olibi
• 2023 — davlat mukofoti bilan taqdirlangan
• 2025 — “Talaba yoshlar festivali”da “Yilning eng faol bitiruvchi magistranti”
• 2025 — O‘zbekiston Yozuvchilar uyushmasi a’zoligiga qabul qilingan

Sahnalashtirilgan asarlar

Abbos XURRAM pyesalari respublikaning ko‘plab teatrlarida sahnalashtirilgan:

Qo‘g‘irchoq pyesalari:

• Xo‘roz nega uchmaydi?
• Quyon endi qo‘rqmaydi!
• Aldashni bilmaydigan tulki
• Vegetarian bo‘ri
• Devqomat
• Qo‘riqchi qiz
• Uy nimaga kerak? va boshqalar

Drama pyesalari:

• Ko‘ngil devori
• Odamga qancha yer kerak
• Kim aybdor?
• Hechdan ko‘ra kech

Balet librettolari: Gulira’no, Suv parisi, Dala malikasi

Kino ishlari: “Ro‘mol” qisqa metrajli film

Kitobi: “Aldashni bilmaydigan tulki” (qo‘g‘irchoq pyesalar to‘plami)

Ijtimoiy va ma’rifiy tashabbuslar

Abbos XURRAM tashabbusi bilan Qoraqalpog‘iston Respublikasi, Toshkent shahri va viloyatlardagi “Barkamol avlod” bolalar maktablarida “Jadidlar xiyoboni” hamda jadidlar merosiga bag‘ishlangan kichik kutubxonalar tashkil etildi.

Hayotiy burilish nuqtasi

Uning hayotidagi eng muhim qaror — 19 yoshida o‘z qobiliyatini anglab yetishi bo‘ldi. Ikki yil o‘qishga kira olmagan davrida ham ijoddan voz kechmadi. Otasining “Bu albatta o‘qishi kerak, bizdan ham bitta kal chiqsin” degan so‘zlari uning hayot yo‘lini belgilab berdi.

Bu tanlov bugun uni dramaturg, teatrshunos va ijodkor sifatida tanitdi.

Qarashlari va shiori

• Shiori: Har qanday holatda ham ishonchni yo‘qotmaslik
• Liderlik mezoni: Tartib va intizom
• Yoqlamaydigan jihatlari: Nohaqlik va tabaqalanish

Yoshlarga murojaat

“Siz bu hayotga shunchaki kelmagansiz. Siz qobiliyat bilan tug‘ilgansiz. Uni anglab yetish vaqti keldi. To‘xtang, o‘ylang va o‘zingizdagi iste’dodni toping. Har bir inson qobiliyat bilan tug‘iladi — faqat uni izlab topish kerak.”