Abduvoitova Charos Sherboy qizi
Abduvoitova Charos Sherboy qizi 09.04.2007-yilda tug‘ilgan. U Surxondaryo viloyati, Sho‘rchi tumanida yashaydi. Surxondaryo viloyati Sho‘rchi tumanidagi 7-sonli maktabda tahsil olgan. Hozirda Alisher Navoiy nomidagi Toshkent davlat o‘zbek tili va adabiyoti universitetining o‘zbek tili va adabiyoti yo‘nalishi 3-bosqich talabasi.
U 2024–2025-o‘quv yilidan universitetdagi jamoat ishlari, volontyorlik, tadbirlar, loyihalar, kitobxonlik hamda ijodiy yoki ilmiy faoliyat bilan shug‘ullana boshlagan. U 2024-yilda ta’lim grantiga asosan talabalikka qabul qilingan. Fan olimpiadalari va tanlovlarda ishtirok etgan, turli tadbir va konferensiyalarda faol qatnashgan. Sertifikat va tashakkurnomalar bilan taqdirlangan. Ona tili va adabiyot fani bo‘yicha A darajadagi sertifikat sohibasi. Fan olimpiadalarida faxrli 1-o‘rinni egallagan.
Uning hayotiga eng katta ta’sir ko‘rsatgan insonlar — ota-onasi. Ularning mehnati, qo‘llab-quvvatlashi va unga bildirgan ishonchi uni doimo oldiga katta maqsadlar qo‘yishga hamda o‘z ustida ishlashga undaydi. Kelajakdagi yutuqlari bilan ota-onasini faxrlantirish uning eng katta motivatsiyasidir.
Uning hayotiy prinsipi: “Har bir kun — o‘z ustingizda ishlash va kechagidan yaxshiroq bo‘lish uchun yangi imkoniyat.” Bo‘sh vaqtida kitob o‘qish, adabiyot va ijod bilan shug‘ullanish, yangi bilimlarni o‘rganish hamda foydali loyihalarda ishtirok etishni yoqtiradi. Shuningdek, mushoira klubi a’zosi va o‘zi ham ijod qiladi.
Uning fikricha, liderlik boshqalardan ustun bo‘lish emas, balki jamoani birlashtirish, mas’uliyatni o‘z zimmasiga olish va boshqalarga motivatsiya bera olishdir. U o‘z kasbining yetuk mutaxassisi bo‘lishni, ilmiy va ijodiy salohiyatini rivojlantirishni hamda yoshlar ta’limi va ma’naviy rivojiga o‘z hissasini qo‘shishni rejalashtiradi. U bilim, kitobxonlik va doimiy izlanish inson hayotini o‘zgartira olishini o‘z faoliyati orqali ko‘rsatishga intiladi. Har bir ishga mas’uliyat bilan yondashadi, yangi narsalarni o‘rganishga intiladi va boshlagan ishini oxiriga yetkazishga harakat qiladi.
“Bugun tashabbus ko‘rsatgan inson — ertangi kunni boshqaradi.”