Allamurotva Aziza Akbar Qizi
Allamurotova Aziza Akbar qizi 2008-yil 16-noyabrda Surxondaryo viloyati Qumqo‘rg‘on tumanida tug‘ilgan. U Qumqo‘rg‘on tumani ixtisoslashtirilgan maktabini tamomlagan va Jahon iqtisodiyoti va diplomatiya universitetining 1-kurs talabasi. U xalqaro munosabatlar sohasida tahsil oladi.
Aziza xalqaro munosabatlarga qiziqqani va chet davlatlarda o‘qishni istagani uchun tarix fanidan tayyorgarlik ko‘rishni boshlagan. U 4 oyda tarix fanidan A natijasini olgan; bu vaqtda unda IELTSdan 6.5 natija mavjud edi. U IELTSdan 6.5 natija, tarix fanidan milliy sertifikat bo‘yicha A natija hamda ona tili fanidan B sertifikatiga ega.
U universitetdagi Students Union Council’ga qo‘shilgan. Shuningdek, qizlar uchun o‘tkazilgan Initial Growth seminarida sertifikat olgan, Talimy Research saytida ambassador bo‘lgan va Surxondaryo viloyatida Ibrat Debate’da mentorlik qilgan.
Uning hayotida maktab muhitining o‘zgarishi muhim ta’sir ko‘rsatgan. U avval Qumqo‘rg‘on tumanidagi oddiy maktabda o‘qiganini, bu yerdagi muhit unga salbiy ta’sir qilganini bildiradi. Keyinchalik tumanida yangi ixtisoslashtirilgan maktab ochilgani haqida eshitib, unga hujjat topshirgan hamda ingliz tili va matematika fanlaridan tayyorlangan. Imtihonda yuqori ball bilan maktabga qabul qilingan. Yangi maktabdagi o‘quv muhiti uni o‘z ustida juda qattiq ishlashga undagan. U kunni kun, tunni tun demay o‘qib, ustozlar yaxshi ko‘rgan a’lochi qizga aylangan va sinf sardori bo‘lgan.
Uning shiori: «Tartib eng muhimi!» Aziza tartibga katta e’tibor beradi, intizomli harakat qiladi hamda tartibi va qoidalariga amal qilib darsini tugatganida o‘zini baxtli his qiladi. Bo‘sh vaqtida foydali videolar ko‘radi, kundaligiga yozadi va rasm chizadi.
Uning fikricha, lider bo‘lish uchun eng muhim fazilat — odamlarni boshqara olishdir. Shuningdek, u vaqtni to‘g‘ri taqsimlashni juda muhim deb hisoblaydi. Kelajakda universitetdagi eng yaxshi klublarga qo‘shilish, 2-kursdan almashinuv dasturlarida qatnashish, universitetni bitirgach chet davlatda magistraturada o‘qish va o‘sha yerda elchi bo‘lib qolishni maqsad qilgan. U o‘zining eng yaxshi versiyasiga aylanishni istaydi.
Azizaning fikricha, boshqalar undan tartibni va har qanday holatga moslasha olish qobiliyatini o‘rganishlari mumkin. U har qanday holatda ham o‘zini qo‘lga olib, to‘g‘ri qarorlar qabul qilishga harakat qiladi.
“Bir paytlar orzu qilgan joyingda hozir yashayapsan. Endi esa shu joyga loyiq bo‘lish uchun emas — o‘zing tasavvur qilgan inson bo‘lish uchun harakat qil.”