Arzikulova Dildora Obidjon Qizi

Arzikulova Dildora Obidjon qizi 2007-yil 25-iyunda Samarqand viloyati Qo‘shrabot tumanida tug‘ilgan. U Samarqand viloyati Qo‘shrabot tumanida yashaydi.

U Samarqand davlat universitetining Markaziy Osiyo xalqlari tillari va madaniyati institutida «Filologiya va tillarni o‘qitish: o‘zbek tili» yo‘nalishida tahsil oladi. Ta’lim darajasi — tugallanmagan oliy. Dastlab Qo‘shrabot tumani 1-son ixtisoslashtirilgan maktab-internatida tahsil olgan, keyinchalik Samarqand davlat universiteti talabasi bo‘lgan. U o‘qituvchilarining ko‘magi va qiziqtirishi bilan filologiya sohasiga hujjat topshirgan.

Dildora hozirda ingliz tili fanidan bolalar guruhiga dars beradi va filologiya sohasida tahsil oladi. U ona tili va adabiyoti fanidan B+ hamda ingliz tili fanidan B2 sertifikatlariga ega.

U universitetda tashkil etilgan «Ijod sirlari» va «Yosh ijodkorlar» kabi to‘garaklarda faoliyat yuritadi hamda universitet doirasida o‘tkaziladigan tanlovlarda faol ishtirok etadi. 2020-yilda uning «Fasllar» nomli she’riy to‘plami ustozlari ko‘magida chop etilgan. 2026-yil mart oyida AQSHning Lulu nashriyotida she’rlari to‘plamda chop etilgan.

Uning hayotiga eng katta ta’sir ko‘rsatgan shaxs — otasi. Yoshligida otasi uning shifokor bo‘lishini xohlagan, biroq Dildora o‘qituvchilik yoqishini aytgan va otasi bu orzusini qo‘llab-quvvatlagan. U oiladagi eng katta farzand. Dildora universitet muhitini ko‘rganidan so‘ng ukalari va singillari ham bunga qiziqish bildirib, katta g‘ayrat bilan o‘qimoqda.

Bo‘sh vaqtida u she’r yozadi, turli pishiriqlar pishiradi va kitob mutolaa qiladi. U shu vaqtgacha 100 dan ortiq kitob mutolaa qilgan hamda shaxsiy kutubxonaga ega.

Uning hayotiy shiori: «Odamlarning gapi bilan, majburlikdan yoki mablag‘ uchun emas, balki qalbing roziligi uchun o‘z kasbingning yetuk ustasi bo‘l». Uning fikricha, liderlik — mas’uliyatdan qochmaslik, eng zo‘ri bo‘lish emas, balki o‘z faoliyati bilan boshqalarga o‘rnak bo‘lishdir.

Dildoraning kelajakdagi orzu-maqsadlari universitetdagi davrini to‘liq o‘qish va izlanish bilan o‘tkazish, ilmiy rejalar yuzasidan chet davlatlarga sayohatlar uyushtirish hamda o‘zining she’riy to‘plamlarini chop etishdan iborat. U boshqalar undan tartib-intizom va maqsadlarni to‘g‘ri qo‘yishni o‘rganishlarini xohlaydi.

«Katta maqsadlar kichik, ammo ishonchli qadamlardan boshlanadi.»