Haqberdiyeva Dilorom Isroil qizi

Haqberdiyeva Dilorom Isroil qizi 27.11.2007-yilda tug‘ilgan. U Samarqand viloyati Urgut tumanida yashaydi. Samarqand shahridagi 24-maktabda tahsil olgan Dilorom hozirda amaliy matematika yo‘nalishida tahsil oladi.

Uning faoliyati 2025-yilda Samarqand davlat universitetiga qabul qilingan vaqtdan boshlangan. Diloromning matematika va IT yo‘nalishlariga bo‘lgan qiziqishi uning ushbu sohalardagi izlanishlariga turtki bo‘lgan. U “5 million dasturchi” loyihasida sertifikatlarga sazovor bo‘lgan hamda xorijiy fandan B2 sertifikatiga ega.

Bo‘sh vaqtida u murakkab matematik misol va masalalarni o‘rganadi, IT olamiga o‘zining yangi loyihalarini kiritadi hamda yangi loyihalar tayyorlaydi. Uning fikricha, lider bo‘lish uchun eng muhim fazilat — har qanday mas’uliyatni o‘z zimmasiga olishdir. U bilgan barcha narsasini so‘raganlarga bajonidil o‘rgatadi.

Diloromning hayotiy prinsipi: “Men hayotdan mukammal kunlarni emas, mazmunli kunlarni istayman”. Unga ta’sir ko‘rsatadigan alohida shaxs yo‘q, barcha uni qo‘llab-quvvatlaydi. U juda sho‘x qiz bo‘lib, insonlar bilan tez tanishib, tez chiqishib ketadi.

Uning kelajakdagi eng oliy maqsadi yurtiga va ota-onasiga munosib farzand bo‘lishdir. U ko‘plab maqsadlarga ega bo‘lib, ulardan biri kuchli matematika va IT mutaxassisi bo‘lishdir.

“Orzularingizga ishoning, harakat qiling, taslim bo‘lmang. Bilim olib, kelajagingiz uchun harakat qiling.”