Mehmonjonova Madina Rahmonberdi qizi

Mehmonjonova Madina Rahmonberdi qizi 2004-yil 10-noyabrda Namangan viloyatining Uychi tumanida tug‘ilgan. Hozirda Namangan viloyati, Uychi tumani, Xizrobod MFY, Xizrobod ko‘chasi 68-uyda yashaydi.

U 2023-yilda Uychi tumanidagi 5-umumiy o‘rta ta’lim maktabini tamomlagan. Hozirda Namangan davlat pedagogika institutining o‘zbek tili va adabiyoti yo‘nalishi 4-bosqich talabasi. Shuningdek, Start 21 o‘quv markazida 1 yildan beri ona tili va adabiyot o‘qituvchisi sifatida faoliyat yuritadi.

Madina ijodiy faoliyatini maktab davrida she’r yozishdan boshlagan. Adabiyot va so‘z san’atiga bo‘lgan qiziqishi uni o‘zbek tili va adabiyoti yo‘nalishida ta’lim olishga, maqola va ilmiy ishlar yozishga hamda pedagogik faoliyat bilan shug‘ullanishga undagan. U adabiyot bo‘yicha bir nechta maqola yozgan, viloyat miqyosida o‘tkazilgan “Ilhom” mukofotining 1-o‘rin sohibasi bo‘lgan hamda she’riyat tanlovlarida faxrli o‘rinlarni egallagan.

Ustozlari uning hayotida alohida o‘rin tutadi: ular unga ilm olish, o‘z ustida ishlash va o‘z imkoniyatlariga ishonishni o‘rgatgan. Madina bo‘sh vaqtida kitob o‘qiydi, she’r va maqolalar yozadi, yangi bilimlar hamda tillarni o‘rganadi, o‘zbek tili va adabiyoti bo‘yicha bilimlarini oshiradi va ijodiy loyihalar ustida ishlaydi.

Uning shiori: “Har kuni kechagidan yaxshiroq bo‘lishga harakat qil.” U kelajakda o‘zbek tili va adabiyoti sohasida yetuk mutaxassis va fidoyi ustoz bo‘lishni, ilmiy va ijodiy ishlari bilan adabiyot rivojiga hissa qo‘shishni maqsad qilgan. She’riyat va maqolachilikdagi ijodiy faoliyatini rivojlantirib, o‘z kitoblarini nashr etishni, yoshlar uchun foydali ta’limiy loyihalar yaratishni, tillarni puxta o‘rganishni va olgan bilimlarini boshqalarga ham foyda beradigan darajaga yetkazishni istaydi.