Pardayeva Sarvinoz G'ulomovna

Pardayeva Sarvinoz G‘ulomovna 1999-yil 27-oktabrda tug‘ilgan. U Toshkent shahrida yashaydi.

U 2018–2022-yillarda INHA University in Tashkentning Computer Science and Software Engineering yo‘nalishida bakalavr bosqichida tahsil olgan. INHA University in Tashkentni 3.75/4.5 GPA bilan tamomlagan hamda barcha semestrlarda Dean’s List ro‘yxatiga kiritilgan. 2022–2025-yillarda O‘zbekiston Respublikasi Bank-moliya akademiyasining moliya va moliyaviy texnologiyalar yo‘nalishida bakalavr bosqichida tahsil olgan. 2025-yildan hozirgi vaqtgacha esa mazkur akademiyada MBA General (Master of Business Administration) magistratura talabasi.

U professional faoliyatini 2022-yilda O‘zbekiston Respublikasi Tashqi iqtisodiy faoliyat milliy bankida SAP HCM konsultanti sifatida boshlagan. Faoliyatining dastlabki bosqichidan bankdagi inson resurslarini boshqarish jarayonlarini axborot texnologiyalari asosida takomillashtirish, SAP HCM tizimi bilan ishlash hamda foydalanuvchilarga tizim bo‘yicha texnik va funksional ko‘mak ko‘rsatish yo‘nalishlarida faoliyat yuritgan. 2022-yildan hozirgi vaqtgacha “O‘zbekiston Respublikasi tashqi iqtisodiy faoliyat milliy banki” AJning Foydalanuvchilarni texnologik qo‘llab-quvvatlash bo‘limida dasturiy ta’minot bo‘yicha yetakchi mutaxassis sifatida ishlaydi.

Sarvinoz SAP Learning tomonidan berilgan Time Management in SAP HCM for S/4HANA — Course Completion, Intermediate Level hamda Organizational Management in SAP HCM for S/4HANA — Course Completion, Intermediate Level sertifikatlarini 2026-yil 2-oktabrda olgan. U 2026 Global Business Expeditions in Korea (G-BEX Korea) dasturiga tanlangan ishtirokchi bo‘lgan. Toshkent shahridagi Bank-moliya akademiyasi va Handong Global University hamkorligidagi Korean Economic Development and Reform onlayn kursini 2026-yil 25-maydan 31-iyulgacha, G-BEX Korea dasturini esa 2026-yil 6–13-sentabr kunlari muvaffaqiyatli tamomlagan. Shuningdek, UNESCO UNITWIN doirasidagi xalqaro ta’lim dasturida ishtirok etgan, Türkiye Respublikasi Markaziy banki tomonidan tashkil etilgan Islamic Finance Training Program dasturini 2026-yil 4–5-may kunlari tamomlagan hamda UNEC – Azerbaijan State University of Economics tomonidan tashkil etilgan Development Program for Young Finance Professionals xalqaro malaka oshirish dasturida 2026-yil may oyida ishtirok etgan.

U IELTS Academic bo‘yicha Overall Band Score 7.0 natijasiga ega. King Sejong Institute Copenhagen tomonidan berilgan Certificate of Korean Language Course Completion sertifikatiga, shuningdek, INHA University in Tashkent tomonidan berilgan Certificate of Appointment as a Member of SPG sertifikatiga ega (2020-yil). U bank-moliya, axborot texnologiyalari, SAP HCM, raqamli transformatsiya va xalqaro professional rivojlanish yo‘nalishlarida muntazam ravishda malakasini oshirib kelmoqda.

Uning hayotida eng katta ta’sir ko‘rsatgan insonlar dadasi va onasidir. Otasi elektr energetikasi sohasida bo‘lim boshlig‘i lavozimida ishlaydi. Onasi uzoq yillar bojxona xizmatida faoliyat yuritib, podpolkovnik unvoniga qadar xizmat qilgan. Ota-onasining ishonchi va qo‘llab-quvvatlashi unga katta maqsadlar sari intilish, qiyinchiliklardan qo‘rqmaslik hamda doimo o‘z ustida ishlash uchun kuch beradi.

Uning hayotiy prinsipi: «Nafosat, bilim va qat’iyatni o‘zida uyg‘unlashtirgan ayol har qanday muhitda o‘z o‘rnini yarata oladi.» U zamonaviy ayol bilimli va professional bo‘lishi bilan birga, o‘z nafosati, ichki kuchi, qat’iyati, oilaviy qadriyatlari va insoniyligini ham asrab qolishi muhim, deb hisoblaydi.

Bo‘sh vaqtida o‘z ustida ishlash, yangi bilim va ko‘nikmalarni egallash, xorijiy tillarni o‘rganish hamda professional rivojlanish bilan shug‘ullanadi. Texnologiyalar, ma’lumotlar tahlili va raqamli transformatsiyaga qiziqadi. Sayohat qilish, turli mamlakatlar madaniyatini o‘rganish, sport va jismoniy faollikni yaxshi ko‘radi.

Kelajakda u SAP HCM va raqamli transformatsiya sohasidagi bilim hamda tajribasini rivojlantirish, zamonaviy texnologiyalar va ma’lumotlar tahlili bo‘yicha kompetensiyalarini kengaytirishni maqsad qilgan. Bank-moliya sohasida boshqaruv va strategik rivojlanish yo‘nalishida o‘sib, yirik loyihalarda faol ishtirok etishni istaydi. Uning uzoq muddatli maqsadi — o‘z bilim va tajribasini O‘zbekistonning raqamli transformatsiyasi, bank tizimini rivojlantirish va zamonaviy inson kapitalini boshqarish jarayonlariga tatbiq etishdir. U xalqaro tajribaga ega, yuqori malakali mutaxassis va rahbar sifatida faoliyat yuritib, yoshlar uchun o‘rnak bo‘la oladigan loyihalarni amalga oshirishni orzu qiladi. Shuningdek, dunyoning turli mamlakatlariga sayohat qilib, Alloh yaratgan go‘zal yurtlar, tabiat va madaniyatlarni o‘z ko‘zi bilan ko‘rishni, turli xalqlarning madaniyati va hayot tarzini o‘rganish orqali dunyoqarashini kengaytirishni istaydi.