Sobitova Muxlisa Ulugʻbek qizi

Sobitova Muxlisa Ulugʻbek qizi 03.04.2007 kuni Namangan viloyati Chust tumanida tug‘ilgan. Hozirda Namangan viloyati Chust tumanida yashaydi. U Namangan davlat pedagogika institutining Maktabgacha ta’lim yo‘nalishida tahsil oladi.

U faoliyatini talabalik davridan boshlagan. Maktabgacha ta’lim yo‘nalishida tahsil olish bilan birga ilmiy maqolalar yozadi, respublika va xalqaro konferensiyalarda faol ishtirok etadi. U "Type Master" loyihasi muallifi bo‘lib, loyiha ustida ishlamoqda hamda ta’lim va rivojlanishga qaratilgan tashabbuslar bilan shug‘ullanib kelmoqda. Shuningdek, u turli sertifikat va tashakkurnomalar bilan taqdirlangan. Hozirda Chust Academy xususiy o‘quv markazida kompyuter savodxonligidan dars beradi va ingliz tilini o‘rganmoqda.

U bo‘sh vaqtlarida kitob o‘qishni, maqolalar yozishni, ingliz tilini o‘rganishni va o‘z ustida ishlashni yoqtiradi. Uning hayotiy prinsipi: “Muvaffaqiyat tasodif emas, u mehnat, sabr va qat’iyat natijasidir.” Uning fikricha, lider bo‘lish uchun eng muhim fazilat — mas’uliyatdir, chunki haqiqiy lider nafaqat o‘zi, balki jamoasi va atrofidagi insonlar uchun ham javobgarlikni his qiladi.

Uning kelajakdagi asosiy maqsadi magistratura bosqichida tahsil olib, malakali pedagog va ilmiy tadqiqotchi bo‘lishdir. Shuningdek, u maktabgacha ta’lim sohasida innovatsion loyihalarni amalga oshirishni, ilmiy faoliyatini rivojlantirishni hamda yosh avlodga sifatli ta’lim va tarbiya berish orqali jamiyat rivojiga hissa qo‘shishni maqsad qilgan.