Usmonova Sevinch Quvonchbekovna

Usmonova Sevinch Quvonchbekovna 2004-yil 3-avgustda Qashqadaryo viloyatining Kitob tumanida tug‘ilgan. U Toshkent shahri, Yangi Hayot tumanida yashaydi.

U Alisher Navoiy nomidagi O‘zbek tili va adabiyoti universitetida bakalavr bosqichida tahsil oladi. U o‘zbek tili va adabiyoti sohasida tahsil olib, asosan adabiyot va jurnalistikaga qiziqadi.

U faoliyatini 2018-yilda Yoshlar Ittifoqida sardorlik qilish va tashkiliy ishlarda faollik ko‘rsatishdan boshlagan. U Qizlar akademiyasida targ‘ibotchi bo‘lgan, ko‘plab loyihalarda faol volontyor sifatida qatnashgan, gazetada she’ri e’lon qilingan hamda “Oltin ovozlar maktabi” a’zosi bo‘lgan.

Uni tengdoshlarining yutuqlari doimo ta’sirlantiradi. Xususan, u Marjona Juraqulovaning yutuqlariga havas qiladi. Uning hayotiy shiori: “Orzularni kutish emas, ular tomon borish kerak!”

U bo‘sh vaqtida ko‘pincha kitob o‘qish, she’r yozish yoki biror narsa yaratish bilan mashg‘ul bo‘ladi. Uning fikricha, lider bo‘lish uchun eng muhim fazilat — unga ishongan insonlarni tushunish va qo‘ldan kelganicha yordam berishdir. U boshqalar undan adabiyotning go‘zalligini anglashni va o‘z maqsadlari yo‘lida kuchli bo‘lishni o‘rganishlari mumkin, deb hisoblaydi.

U kelajakda yozuvchi va loyihalar rahbari bo‘lishni, kitob do‘koni ochishni, chet elda tajriba oshirishni, shuningdek, dublyaj va teleboshlovchilik sohalarida ham faoliyat yuritishni rejalashtiradi.

“Sizga yordam bera oladigan yagona odam — bu o‘zingiz!

Har qanday qiyinchilik kelsa ham, qalb kasbingizdan voz kechmang, shunda mazmunli yashaysiz.”