Yusufova Sabina Elyorovna

Yusufova Sabina Elyor qizi 2008-yil 8-iyunda Buxoro viloyati Peshku tumanida tug‘ilgan. U Buxoro viloyati Peshku tumani, Quchoq MFYda yashaydi. Buxoro davlat universitetida Filologiya va tillarni o‘qitish (ingliz tili) yo‘nalishida bakalavr darajasida tahsil oladi. U 2025-yildan talaba bo‘lgan.

Sabina kitobxonlik, rasm va sport tanlovlarida o‘rinlar egallab, diplomlar sohibi bo‘lgan. U CEFR B2 hamda Milliy sertifikatning B+ darajasiga ega. Abituriyentlik paytidan o‘z sohasida faoliyat boshlagan: maktabda o‘qituvchisi unga darslarni ishonib topshirgan. U o‘sha paytdan yaxshi o‘qituvchi va pedagog bo‘lishga harakat qilgan.

Uning hayotiga eng katta ta’sir ko‘rsatgan insonlar ota-onasidir. Ular uni har qanday vaziyatda qo‘llab-quvvatlagan, zarur yordamni ortig‘i bilan bergan. Sabina erishgan darajasini ota-onasining ishonchi va qo‘llab-quvvatlashi bilan bog‘laydi.

Bo‘sh vaqtida kitob mutolaa qiladi, rasm chizadi, musiqa kuylaydi va kasb-hunar o‘rganish bilan shug‘ullanadi. U tikuvchilik, shirinliklar pishirish kabi bir nechta hunarlarni biladi. Uning fikricha, lider bo‘lish uchun eng muhim fazilat — o‘ziga ishonch: shundagina inson boshqalarga o‘rnak bo‘la oladi va ularni kelajakka tayyorlay oladi. U boshqalar undan sabrli bo‘lishni, har qanday vaziyatda o‘ziga ishonishni, yengilmaslikni hamda doimo maqsadlar sari intilishni o‘rganishlari mumkin, deb hisoblaydi.

Kelajakda Sabina o‘qishni yaxshi bitirib, diplom olib, yetuk kadr bo‘lishni istaydi. Bilimi va malakasini oshirish uchun chet elda ta’lim olib, ta’lim berib, maqsadlari sari intilishni rejalashtiradi. Uning hayotiy shiori: «Jim mehnat qil, natijang sen uchun gapirsin».